نووچه‌

ئەوقافا هەرێمێ یەکەم ڕۆژا مەها ڕەمەزانێ دیار دکەت

بڕیارە سوبەهی ٢٢ێ نیسانێ لیژنەیا بلندا دیتنا هەیڤێ یا گرێدایی وەزارەتا ئەوقاف و کاروبارێن ئاینیێن هەرێمێ بجڤیت و ڕۆژا پێنجشەمبیێ یان ئەینیێ وەک یەکەم ڕۆژا ڕەمەزانێ دیار بکەت.

نەبەز ئیسماعیل پەیڤدارێ ئەوقافا هەرێمێ ڕاگەهاند، سوبەهی چارشەمبیێ ٢٢ێ مەهێ پشتی نڤێژا ئێڤاری، لیژنەیا دیتنا هەیڤێ ل دیوانا وەزارەتێ ب هەڤبەندی دگەل لیژنەیێن خۆ ل پارێزگەهێن کوردستانێ، یەکەم ڕۆژا مەها رەمەزانی دێ دیارکەت.

دازانین ژی، ئەگەر مەها شەعبانێ ٣٠ ڕۆژ بیت وی دەمی ڕۆژا ئەینیێ دێ بیتە یەکەم ڕۆژا مەها ڕەمەزانێ و ئەگەر ٢٩ ڕۆژبیت وی دەمی ڕۆژا پێنجشەمبیێ یەکەم ڕۆژا ڕەمەزانێ دبیت.

ڕەمەزانا ئەڤ سالە دەمەکێ دایە، د کڤانێ ڕێکارێن ڕێگریکرن ژ بەلاڤبوونا ڤایرۆسێ کۆرۆنایێ، ڕۆژا ٤ێ ئادارا دەربازبوویی، ب بڕیارا حکومەتا هەرێمێ تەڤاهیا ڕێوڕەسمێن ئاینی ل مزگەفتان، کەنیسە و پەرستەگەهان هاتنە ڕاگرتن.

دوهی ژی، وەزارەتا ئەوقاف و کاروبارێن ئاینییا هەرێمێ ڕاگەهاند، د دەما دوو ڕۆژێن داهاتی دا لیژنەیا بەرهەنگاربوونا کۆرۆنایێ بابەتێ ڤەکرنا مزگەفتان گۆتۆبێژ دکەت و هەر بڕیارەکێ بدەت دێ وەلاتیان ژێ هایدارکەت.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close