بەشەکێ کادر و ئالیگرێن نەرازی یێن پارتی دیمۆکراتی کوردستان ڕاگەھاندنە،” درێژەکێشانا بێخەمیا حزب و حکومەتێ ھەمبەر مە، دێ کارڤەدانێن خراب لێکەڤن و دێ بیتە دەستپێکا ئاشکرابوونا زوور راستیان کو ئێشانا وێ بۆ سەرکرداتیا پارتی دێ یا دژۆار بیت”.
د ڕاگەھاندنێ دا ئاماژە ب وێ یەکێ کریە ژی، “پشتی وەرگرتنا ھەلوێستی بۆ جارەک دی بجیھێلانا مال و ئاوارەبوونا مە، ئەڤە دێ بنە سێ سال مژارا باژار و خەلکێ مە ب ئاوایەکێ ھاتیە پشتگوھخستن، ھندە دێ گەھین وێ گۆمانێ کو نە زەحمەتا خەباتا مە و داھاتیێ کەرکوکێ بۆ ھەوە گرنگ بیت”.
ئەو یەک ئاشکراکر ژی، ” کەسێ ل وان تێکۆشەران نەپرسیە کو قۆربانیێن وێ ڕەۆشا پشتی بوویەرا ۱٦ێ ئۆکتۆبەرێ نە”.
ھەروەسا ھاتیە ژی”، درێژبوونا ڤێ ڕەۆشێ و کێمخەمیا حکومەت و حزبێ ھەمبەر وان تێکۆشەران دێ کارڤەدانێن خراب لێکەڤن و دێ بیتە دەستپێکا ئاشکرابوونا زێدە راستیان کو ئێشا وێ بۆ سەرکرداتیا پارتی دێ یا دژۆار بیت.
ھەروەسا وان کادر و ئالیگرێن پارتی گۆتن ژی، “دڤیابوو بەریا ھەر ئالیەکێ دی پارتی ھزر د چارەسەریەکا گۆنجای بۆ ڕەۆش و خەلکێ کەرکوکێ کربا، ب دلگرانی ڤە ھەر ھزرا وان ژی لێنەبوو، ژبەر وێ یەکێ ئەگەر ڤان دلگرانیان بەرچاڤ وەرنەگرن، دێ بەرەڤ ڕەۆشەکا نەخواستی چین و پەردەی لسەر زوور راستیێن دی راکەین”.
زەلالکرنە ژی،” وێ دەمێ دڤیابوو مە رۆل د ئاسایکرنا ڕەۆشا کەرکوکێ داھەبوو، بێ ڤەگەریان بۆ یەک ئەندامێ پارتی یێ کەرکوکێ و دوور ژ خواستا وان تێکۆشەران سەودایا سیاسی ب وی باژاری دھات کرن، ئەگەر ب ڕێیا نووچەیێن تیڤیان ھند زانیاری مە زانیبان، کو دڤیابوو ڕەۆشا وان ئاوارەیێن پارتی بەرچاڤ گرتبا کو ڕھا پارتیبوونێ ل وی باژاری ھەلکۆلابوو، وەکە ئەوێ ژی نەھات کرن ، ل ھند دەزگەھـ و ئۆرگانێن پارتی زێدەتر ژ حەشد و ئەوێن دی کەفتنە لێدانا وان پارتیان، ھەر وەک ئەو سەدەمێن شکەستنا ڕیفراندۆمێ بن
