كوردستانینووچه‌

دادگەها ئەنقەرە دۆسیەیەكا نـوی ل دژی دەمیرتاش ڤەكریە

ل دژی هەڤسەرۆكێ بەرێ یێ پارتیا دیمۆكراتا گەلان (هەدەپە) ژ بەر ئاخفتن و هەڤپەیڤینێن وی كو د سالێن 2012-2016ێ‌ دا كرنە, ب تۆهمەتا پرۆپاگاندەكرنا رێخستنێن قەدەغەكری ، دوسیەكا نوی بۆ وی هاتیە ڤەكرن.
ل گۆر زانیاریان, داخوازكارییا كۆماری یا توركیا دەربارێ دەمیرتاش دۆسیەیەكا نـوی ئامادە كریە. د ڤێ دوسیێ دا , ژ بەر ئاخفتنێن كو د كۆنگرەیێن بەدەپە , هەدەپێ دا كرنە, هەروەسا ئەو داخویانییا كو بۆ رۆژنامەیەكا ئەلمانی دابوو و وێنەیێ د پرۆسەیا چارەسەریێ دا ل قەندیلێ گرتیە , ل دژی دەمیرتاش دوسیەكا نوی هاتیە ڤەكرن .
هەروەسا د وێ‌ دوسیەیا نـوی دا , دەمیرتاش ب وێ‌ یەكێ‌ هاتیە سۆچبار كرن كو 5 جاران پرۆپاگاندەیا رێخستنەكا قەدەغە كریە.
ئەو دوسیە ژ لایێ 17ـەمین دادگەها سزایێن گران یا ئە‌نقەرە ڤە هاتیە پەسەند كرن و بریارە ڕوینشتنا ئێكێ یا دادگەهێ ژی رۆژا 14ێ تیرمەها ئەڤساڵە بهێتە كرن.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close