بەشەکا دوکانداران ل پێشیا ئاڤاهیێ پارێزگەها دهۆکێ خرڤەبوون، داخواز دکەن دوکانێن وان بهێنە ڤەکرن.
بەشەک ژ وان دوکانداران دانەدیارکرن، کو ئەڤە زێدەتری مەهەکێ یە دوکانێن وان هاتینە داخستن و داخوازا ڤەکرنا دوکانێن خۆ دکەن، ژبەر کو گرێدایی دەبارا ڕۆژانەیا ژیانا وانە.
بەحسا وێ یەکێ ژی کرن، ئەو کرێیێن دوکانێن خۆ ددەن و ڕێ ناهێتە دان دوکانان ڤەکەن، ڤێ یەکێ ژی بارگرانیەکا زێدە لسەر ملێن وان دروستکریە.
ڕاگەهاندن ژی، ئەگەر دوکانێن وان نەهێنە ڤەکرن، ئەو دەستان ژ خرڤەبوونان بەرنادەن و دێ بەردەوام بن.
ئەڤە ژی دەمەکێ دایە، پشتی کێمبوون و نەمانا چ حالەتێن توشبوون ب کۆرۆنایێ، پارێزگەها دهۆکێ ب قۆناغ دەست ب ئاسایکرنەڤا ژیانا وەلاتیان و بازاران کریە، چەندین جهـ هاتنە ڤەکرن، لێ هەیا نها پڕانیا دوکانێن جلوبەرگان نەهاتنە ڤەکرن.
