دكۆنگرەكێ ڕۆژنامەڤانیدا پارێزگارێ دهوك فەرهاد ئەتروشی ڕاگەهاند: پارێزگەها دهوك یا پێگیرە ب رێنما و ڕاسپاردێن حكومەتا هەرێما كوردستانێ بۆ درێژی پێدانا قەدەغەیا هاتنوچوونێ، و ئەتروشی دلگرانییا خۆ دەربڕی دەربارێ بڕینداربوونا 16 كەسا دسنورێ پارێزگەها دهوكدا لشەڤا گێڕانا ئاهەنگێن كونترۆلكرنا ڤایرۆسێ كۆرۆنا.
پارێزگارێ دهوك دكۆنگرێ ڕۆژنامەڤانیدا گوت: پارێزگەها دهوك بەشەكە ژ هەرێما كوردستانێ، و دێ پێگیریێ ب سەرجەم رێنما و ڕاسپاردێن حكومەتێ كەت.
ژلایێ خۆڤە و دهەمان كۆنگرێ ڕۆژنامەڤانیدا، دكتور نزار عسمەت ڕێڤەبەرێ گشتیێ ساخلەمیێ ل پارێزگەها دهوك، توماركرنا حالەتەكێ نوو یێ تووشبوونێ بڤایرۆسێ كۆرۆنا ل دهوك دووپاتكر، و دا زانین كو تووشبووی نوژدارەكێ تەمەن 45 ساڵی یە، و داخواز ژ وەڵاتیان كر دبەردەوام بن لسەر رێكارێن خۆپاراستنێ و بهیچ شێوەیەكی نەچنە دناڤ جهێن قەرەبالغ دا.
