رونکرنەک بۆ رایا گشتی
ل دەسپێکێ هەیڤا رەمەزانێ ل هەوە پیروزبیت و خودێ دلوڤان ڤێ هەیڤێ بکەتە هەیڤا خێر و بەرەکەتێ بۆ گەل و وەلاتێ مە.
بەرێزان ل رێکەفتی ٢٢ی٤ سازیا مە ب ئەرکێ دورستکرنا رێورەسمەکێ سوپاسی و رێزگرتنێ رابوویە بۆ وان سازیێن زەحمەت کێشای د بەرهنگاربوونا ڤایرۆسا کۆرۆنادا.
ئەو بەرنامێ مە دانای بەرنامەکێ شارستانی و مەدەنی بۆ و ئەو جهێن مە دەستنیشانکرین بۆ ئەنجامدانا رێورەسمێن رێزگرتنێ ب چ شێوەیان خرڤەبوون لێ دورست نەبوویە هەتا کو ئەو ماوێ مە دەستنیشانکری ب دویماهیک هاتی و ئەرکێ مە وەکو سازیا رەوشەنبیری بتنێ جێبەجێکرنا وان خالان بوون ئەڤێت هاتینە دەستنیشانکرن بۆ رێورەسمێن رێزگرتنێ و ئەڤا چێبووی ئەو نە ئەرکێ مەیە بەلکی سازیێن تایبەت هەنە کو ئەو ئەرک دکەڤیتە سەرملێن وان.
تشتێ سەرنج راکێش وەسا هاتیە دیارکرن بۆ رایا گشتی کو مە وەکو سازیا رەوشەنبیری تەمەرود کریە و سەربەخو ئەڤ کارە ئەنجامدایە بۆ زانین ئەڤە نە هزرا مە بوویە بەلکی ژمە هاتیە خاستن رێورەسمەکی رێکبێخین چونکە ل دەسپێکا بەلاڤبوونا ڤایرۆسا کۆرۆنا وەلاتیەک نەشیایە هاتن و چوونێ بکەت ئیلا ب رازەمەندیا ژورا ئوپەرسیونان ئەڤجا چەوان دا رێورەسمەکا ژڤی جوری هێتە کرن بێ کەسەک ئاگەهداربیت و بو ماوێ ٣ێ رۆژان ریکلام بۆ دهاتە کرن ل رادیو و تلەڤزیون و سوشیال میدیایێ دا.
ل دەسپێکێ وەکو پێشنیار و پشتی گەنگەشێ دگەل ستافێ تەکنیکی یێ رێورەسمان چەندین خال وەکو پیشنیار هاتنە دەستنیشانکرن و ل رێکەفتی ١٩ی٤ هاتنە نڤیسین و برێکا واتسابی هاتیە گەهاندن و هەر دهەمان رۆژدا د واتسابی دا رازی بوون لسەر بەرنامەی هاتیە کرن تنێ ژ وی بەرنامەی کو ١٢ خال بخوڤە دگرتن ٢ خال هاتنە لادان، دیسان ل دەزگەهێن میدیایێ دهەمان رۆژا ١٩ی٤ دا هاتە راگەهاندن و هەمی خەلکی زانی کو دێ رێورەسمێ رێزلێنانێ هێتە ئەنجامدان، هەر بۆ زانین ئەو بەرنامێ مە پێشنیارکری بریە دکومبوونا ژۆرا ئوپەراسیونان یان ئەمنی دا بێ حازربوونا کەسەکی ژ سازیامە دیسان رازی بوون هاتەکرن و مە دەسپێکر.
ب تەحەدی و ب پشتراستی ڤە دبێژین ئەو خالێن مە دەستنیشانکرین هەمی د شاراستانی بوون و چ خالێن هوسا نەبوون کو ببنە ئەگەرێ دورستبوونا قەلەبالغێ چونکە یامە رژدی لێ دکر ب شەمالکەکێ یان هەر جورە روناهیەکێ سوپاسیا خو بگەهینە و ئەوا مەژی کری ب شەمالکێن ئەلکترونی چەند پەیڤێن سوپاسیێ مە نڤیسینە.
دیسان مە خاست بو کو دەنگێ کبارێ ل مەزگەفتان و ناقوسێ ل کەنیسان و دەف و شەباب ل لالش بلند ببیت وەکو پێکڤە ژیان و لایەنی روحی یێ جڤاکامە.
هەر دیسان ب رێکا ریکلام و سپوت و پوستەران و کورتە نامێن کورەک تلیکوم مە داخاز ژخەلکی کریە کو ژمالێن خو دەرنەکەڤن و رێنمایێن خوپاراستنێ جێبەجێبکەن تنێ سوپاسیا خو دەرببن بۆ زانین گەلەک گرتەیێن ڤیدیویێ هەنە کو ل گەلەک تاخان ب شێوەکێ گەلەک شارستانی و سەردەم ئەڤ چەندە هاتە دیتن.
هەر دیسان وەکو سازیا رەوشەنبیری مینا هەر سازیەکادی ل دهۆکێ ژبەر خۆپاراستن و قەدەغەیا هاتن و چوونێ فەرمانبەرێن مە هەمی ل مالێن خۆ بوینە و رێنمایێن خۆپاراستنێ جێبەجێدکرن مە تەکلیفکرن کو ڤەگەرنە کاری و گەلەک ژوان ژدەرڤەی سەنتەرێ دهۆکێ بووینە. ئەڤەژی وێ چەندێ دگەهینیت کو وەکو سازیەکا رەوشەنبیری هەر ب ئێکجاری دەستهەلاتا ئەنجامدانا چ جورە چالاکیەکێ نینە ئەگەر ژێ نەهێتە خاستن.
دگەل ڤێ چەندێ رێورەسمەکا گەلەک ب رێک و پێک هاتە ئەنجامدان و خەلکەکێ دلسوز وەکو مە خواستی پشکداری کر و ب رەنگەکێ جوان و شارستانی دەربرین دکر، و ئەو تەقە یا هاتیە کرن وەکو دیاردە یا جوان نەبو و ل پارێزگەها وەکی دهۆکێ یا نیزیک ئێک ملیون کەسی بێ گومان هەمی کەس جوانیێ وەک هەڤ نابینن و هەر یەک وەکو خو دەربرینێ دکەت.
هەر چەوابیت رێورەسمێن شەڤا ٢٢ی٤ی٢٠٢٠ یێن رێزگرتن ل سەروکێ حکومەتێ و تیمێن ساخلەمی و هێزێن نافخو و پێشمەرگە و ئاسایش دێ ژ چالاکیێن سازیا خۆ هەژمێرین و دزانین ئەگەر تەقە ل شەڤا ٢٢ی٤ ئانکو شەڤا مەراسیما نەهاتبا کرن دا ئەڤرۆکە هەمی خو ب خودانێ وێ چالاکیێ زانن و سازیامە چ رۆل نەدبو.
سوپاسی یێن بێ سنور بۆ خەلکێ پاریزگەها دهۆکێ و پێگریا وان ب رێنمایێن ساخلەمی و سوپاسیەکا بێ سنور بۆ تیمێن ساخلەمی کو زەحمەتەکا ئێکجار مەزن بریە ژ دەستپێکا هاتنا ڤایرۆسا کۆرۆنا تا ئەڤرۆکە، هە ردیسان سوپاسیەکا بێ سنور بۆ ئەو دلسوزێن هێزێن نافخو و ئاسایش و پێشمەرگە کو ئەڤە بۆ ماوێ پتری مەهەکێ یە لسەر جادێ راوەستای پێخەمەت پاراستنا خەلکی.
هەر جوان و ئاڤەدان بیت وەلاتئ مە.
رێڤەبەریا گشتی یا رەوشەنبیری و هونەری/ دهۆک
٢٤/٤/٢٠٢٠ رۆژا ئەینی
