بەشەک ژ کارمەندێن ساخلەمیێ ل دژی گیرۆبوونا مووچەیێن خۆ بایکۆتا پشکا هەوارهاتنا نەخۆشخانەیێن سنورێ پارێزگەها سلێمانیێ کرن.
نوینەرێ وان کارمەندێن ساخلەمیێ د کۆنفرانسەکا ڕۆژنامەڤانی دا ڕاگەهاند، “مە بڕیاردایە نەچینە سەر ئەرکێن خۆ ل پشکا هەوارهاتنێن ناڤ باژاڕێ سلێمانیێ، هەڵەبجەیا تازە، دوکان، سەیدسادق، دەربەندیخان، پێنجوێن، گەرمیان، هەڵەبجە، ڕاپەڕین، ڕانیە و کۆیە”.
دیارکر ژی، “ئەڤە بۆ نێزیکی ٦٠ ڕۆژان دچیت مە مووچە وەرنەگرتیە، کو دەبارا ژیانا مە بتنێ لسەر مووچەیێن مەیە”.
ئەو یەک ژی دازانین، “سێ مەهێن مووچەیێن مە ل دەف حکومەتێ مانە، هندەک نۆژدار ژی کو ل مەها ١٢ یا سالا دەربازبوویی ڤە هاتنە دامەزراندن، هەیا نها یەک مووچە وەرنەگرتنە”.
گوت ژی، “داخوازیێن مە پێکدهێن ژ پارڤەکرنا مووچەیێ مەها یەک و پارڤەکرنا مووچەیێ مەهانە هەموو ٣٠ ڕۆژان جارەکێ”.
بەحسا وێ یەکێ ژی کر، ژ ئەگەرا جیبجینەکرنا داوازیێن وان دێ ژ سیستەمی دەرکەڤن و ساخلەمیا وەلاتیان ژی د ستۆیێ حکومەتێ دایە
