ژبەر بەلاڤبوونا کۆڕۆنایێ و قەدەغەیا هاتن و چوونێ، بەشەکا زێدە یا بازرگان و هونەرمەندان ب ڕێیا ئینتەرنێتێ بەردەوامیێ ب کارێن خۆ ددەن، هەیا کو هەڤکاریا وان بکەت، فەیسبووکێ بڕیاردایە بژاردەیەکێ بئێخیتە بەردەستێ وان هەیا کو بەژدیاریکرنا وان د ڕاستەوخۆیێن وان دا بکەتە پارە.
د ڕاگەهاندنەکێ دا کۆمپانیا فەیسبوکێ ئەشکەرا کریە، ژ پێخەمەت داهاتێ بازگارنێن بچووک و بەرهەمێن وان، دێ خزمەتگوزیەکا نوی بەدەست کەت هەیا کو ب وێ رێ یێ ئەو کەسێن کو ڕاستەخۆیان ڤەدکەن کارن پارەی ژ پشکداربوویێن وەشانا خۆ وەربگرن.
هەرچەند د ڕاگەهاندنا فەیسبووکێ دا نەهاتیە، ئەو کەس کینە ئەوێن کو دکارن د ڤێ خزمەتگوزاریێ دا مفاداربن، یان دێ کەنگی ئەو بەرنامە بەردەست بیت و کەڤیتە کار، لێ ئەو یەک هاتیە ژ بلی ڕاستەخۆیان، هەلکەفت (Events) چێدبیت پارەی بۆ خودانێن خۆ پەیدا کەن، ژبەر کو د ڤی دەمی دا خەلک نکارن د هەلکەفتان دا پشکداربن.
