نێرین

ئه‌م و به‌غدا

به‌غدا پایته‌ختێ هه‌ره‌ ئالوز ل سه‌ر ئاستێ جیهانێ، جهێ ململانێ و پێكدادانێن له‌شكرى و سیاسى و ئابوورى و ئایینى، ئه‌و پایته‌ختێ گه‌له‌ك ژ مێژه‌ ئه‌لندا ئارامیێ تێدا نه‌هه‌لاتى، ئه‌و باژێرێ تا نوكه‌ بۆ جاره‌كێ ژى نه‌بویه‌ پایته‌ختێ گشت به‌ر و ئاخ و ئه‌سمانێ ده‌وله‌تا ب ناڤ عیراق.

نوكه‌ ئه‌م ل هه‌مبه‌رى ڤى به‌غدایێ هنده‌ كرێت و بێ هێز و بێ ناسنامه‌ د چ ئاسته‌كى داینه‌؟ ئایا دشێین ل هه‌مبه‌رى وى راوه‌ستین؟ ئایا دشێن به‌ره‌ڤانیێ ژ مافێن خۆ یێن مروڤبوونێ بكه‌ین؟ نه‌خێره‌! ده‌مه‌كێ زور ژ مێژه‌تره‌ مه‌ نه‌شیایه‌ هه‌بوونا خۆ ناسكه‌ین و مه‌ نه‌شیایه‌ به‌ره‌ڤانیێ ژ ده‌ستكه‌فت و هێزا خۆ بكه‌ین و ئه‌مێن بوینه‌ دیڤه‌لانكێن حه‌زێن هنده‌كا. پشتى هه‌رفینا به‌عس ل به‌غدا هه‌ر ئه‌م بوین كو مه‌ له‌شكرێ عیراقێ ئاڤاكرى، هه‌ر ئه‌م بوین كو مه‌ سه‌ركردێن عیراقێ ئیناینه‌ د ناڤا كوچك و

ته‌لارێن هه‌ولێر و سلێمانیێ دا و هه‌ر ئه‌م بوین به‌رهه‌ڤى خۆ گورى كرنێ ژ پێخه‌مه‌ت مانا به‌غدا، د ده‌مه‌كى دا ژێر خانا ئابوورى یا عیراقێ گه‌هشتبوو خالا سفرێ و له‌شكرێ عیراقێ په‌رتو به‌لاڤ ببوو، توخیبێن عیراقێ د بێ پارێزڤان بوون، ئاها ل وى ده‌مى و پێشى وى ده‌مى ژى ئه‌گه‌ر ب ناڤ سه‌ركردێن مه‌ هزره‌كا باش یا ئابوورى و سیاسى هه‌با دا شێن ب هێزا ئابوورا خۆ گه‌فا ل سه‌ر به‌غدا كه‌ن و دا شێن هه‌ر تشتێ بخازن ب پرانیا ده‌نگان ل جڤاتا نوینه‌رێن عیراقێ ده‌رباس بكه‌ن چونكى ئه‌گه‌ر نوكه‌ ب ده‌هان كومپانیێن مه‌زن یێن به‌رهه‌مئینانا پیشه‌سازیا خارنێ و كه‌لوپه‌لێن دیتر ل ڤى وه‌لاتى هه‌با

دا به‌غدا نه‌چارى په‌سه‌ندكرنا گشت مافێن مه‌ بیت، لێ مه‌ وه‌لاته‌ك ژ به‌غدا كاڤلتر ل سه‌ر ئاستێ سكته‌رێ ئابوورى ئاڤاكر له‌ورا ئه‌ڤرۆ ئه‌م ل ژێر ره‌حما ده‌ستێ ڤى به‌غدایێ كرێت و
بێ هێز و بێ ناسنامه‌ینه‌.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close