سەرۆکێ لیژنەیا دارایی ل پەرلەمانێ عێراقێ ڕاگەهاند، ب بڕیارا جڤاتا وەزیران هەیا کو شەش مەهێن دی ئینانا تڕۆمبێلان دێ هێتە ڕاگرتن.
هەیسەم جبوری سەرۆکێ لیژنەیا دارایی ل پەرلەمانێ عێراقێ ڕاگەهاند، جڤاتا وەزیران ئینانا تڕۆمبێلان ڕاگرتیە و ئەڤە ژی، یەک بوویە ژ پێشنیارێن لیژنەیا داراییا پەرلەمانی بۆ دەربازکرنا ڤێ ڕەوشا نەبنەجها داراییا ولاتی.
دیارکریە ژی، حکومەت دی بەردەوام بیت ژ ئینانا پێدڤیێن بنەڕەتیێن وەک خوارن و پێدڤیێن نۆژداری، گوتیە ژی، ژ ئەڤرۆ پێدا فەرە حکومەت گرنگیێ ب بیاڤێن دی ژبلی نەفتێ بدەت.
ژبەر بەلاڤبوونا کۆرۆنایێ و داکەفتنا بهایێ نەفتێ، عێراق ب قۆناغەکا دژوارا ئابوری دا دەربازدبیت، دەمەکێ دا بۆ بڕێڤەبەرنا ولاتی د مەهەکێ دا حەفت ترلیۆن و ٥٠٠ دینار پێدڤینە، لێ د نها دا تنێ یەک ترلیۆن و ٥٠٠ ملیار دینار دەست دکەڤیت.
