بڕیارە ئەڤرۆ وەزارەتا ناڤخۆیا هەرێمێ، بڕیارێ لسەر درێژکرنا دەما قەدەغەیا هاتن و چوونێ بدەت و ژوورا ئۆپەراسیۆنێن هەولێرێ ژی دبێژیت، “قەدەغەیا هاتن و چوونێ بڤی ئاوایێ نها کو هەیە دێ هێتە درێژکرن و چێدبیت گۆهەڕتن ژی د دەمێن قەدەغەیێ دا بهێنە کرن”.
دەمژمێر ١٢ێ ئەڤشەڤە ئەینیێ ١ێ ئایارا ٢٠٢٠ێ، دەما قەدەغەیا هاتن چوونێ دێ بداوی هێت و هێمن قادر جێگرێ پارێزگارێ هەولێرێ و پەیڤدارێ ئۆپەراسیۆنێن هەولێرێ ژی بۆ ئێن ئاڕ تی ڕاگەهاند، “قەدەغەیا هاتن و چوونێ بڤی ئاوایێ نها کو هەیە دێ هێتە درێژکرن و ئەو جهێن کو پێشتر ڕێ ب ڤەکرنا وان هاتیە دان چ بڕیارەک نەهاتیە کو جارەکادی بهێنە داخستن”.
دبێژیت ژی، “ڕێکارێن خۆپارێزیێ ژی دێ وەک خۆ مینن و کار پێ هێتەکرن”.
دەربارەی ڤەکرنا دەواما فەرمانگەهان ژی گوت، “بڕیارا دەستپێکرنەڤا دەواما فەرمانگەهان د دەستهەلاتا حکومەتا هەرێمێ دایە و ئەڤرۆ یان سوبەهی دێ ئەو بڕیارە هێتەدان”.
