ئابوری

وەزارەتا نەفتا عێراقێ: داهاتێ نەفتێ هەڤبەرکرن ب مەها دەربازبوویی بۆ نیڤێ داکەفیە

وەزارەتا نەفتا عێراقێ بڕێ شاندن و داهاتێ نەفتا مەها نیسانێ ڕاگەهاند و تێدا هاتیە، داهاتێ نەفتێ ب هەڤبەرکرن دگەل مەها دەربازبوویی بۆ نیڤێ داکەفتیە و هەر بەرمیلەک د وێ مەهێ دا ب نێزیکی ١٣ دۆلاران هاتیە فرۆتن.

لگۆری ڕاگەهاندنەکا وەزارەتا نەفتا عێراقێ د مەها چارا ئەڤ سالە دا ١٠٣ ملیۆن و ١٤٤ هزار بەرمیل بۆ دەرڤە هاتنە شاندن، داهاتێ نەفتێ ژی د وێ مەهێ دا یەک ملیار و ٤٢٣ ملیۆن دۆلار بوونە.

وەزارەتا نەفتا عێراقێ ئەو یەک ژی زەلالکریە، کو هەر بەرمیلەکا نەفتێ ب ئاوایێ مامناوەند ب ١٣ دۆلار و ٨٠ سەنتان هاتیە فرۆتن.

ئەڤە ژی دەمەکێ دایە، د مەها ئادارێ دا ب نێزیکی سێ ملیار دۆلاران نەفت فرۆتبوو، د مەها شوباتێ دا ژی داهاتێ شاندنا نەفتێ نێزیکی پێنج ملیار و ٥٠٠ ملیۆن دۆلار بوو

پتر به‌رچاڤ بكه‌
زر الذهاب إلى الأعلى
إغلاق