رێکخراوا ھەنگاو د راگەھاندنەکێ دا ئاشکەرا کریە، تەنێ د مەھا نیسانا ئەڤ سالە دا ب کێمی ۱۳ وەلاتیێن کوردل گرتیگەھا کرماشان، برووجێرد ، سنە و ئۆرمیە ھاتنە بدارڤەکرن.
هەروەها خویا کریە،ژمارەیا وان وەلاتیێن کورد یێن مەھا دەربازبوویی ھاتنە بدارڤەکرن ، ژ کۆما بدارڤەکریێن سێ مەھێن ئەڤسال زێدەتر بوونە.
بەحسا وێ چەندێ ژی کریە، یەک ژ وان وەلاتیێن کورد ب تۆمەتا چالاکیێن سیاسی ، یەک ژی ب تۆمەتا بازرگانیکرن ب ماددێن بێھۆشکەر و ۱۱ کەسێن دی ژی ب تۆمەتا کوشتنا ب ئەنقەست ھاتبوون دەستەسەرکرن و سزایێ بدارڤەکرنێ لسەر ھاتیە جێبەجێکرن.
ئەڤە ژی د دەمەکێ دایە ، لگۆر ئامارێن رێکخراوا ھەنگاو د دەستپێکا ئەڤسالە دا ب کێمی ۲٥ وەلاتیێن کورد ھاتنە بدارڤەکرن
