بریاردەرێ لیژنەیا دارایی ل پەرلەمانێ عێراقێ راگەهاند، بریارە ئەڤرۆ شاندەکێ تەکنیکی ل هەرێمێ سەرەدانا بەغدا بکەت و پێدڤیە ئەو زانیاری دگەل بن یێن د حکومەتا عێراقێ د جڤینا بەرى نها دا ژێ خواستین.
ئەحمەد سەفار بریاردەرێ لیژنەیا دارایی ل پەرلەمانێ عێراقێ بۆ ئێن ئاڕ تى راگەهاند، “حکومەتا عێراقێ داخوازا هندەک زانیاریان ژ وى شاندی کربوو یێ چەند رۆژان بەرى نها ڤەگەریایی، ئەو شاندێ بریارە ئەڤرۆ سەرەدانا بەغدا بکەت پێدڤیە وان زانیاریان ب حکومەتا عێراقێ بگەهینیت”.
دازانین ژى، “شاندێ هەرێمێ یێ تەکنیکی یە و مەرەما سەرەکی گۆتۆبێژکرنا لهەڤهاتنا دگەل بەغدایە دەربارەى نەفت و مووچەیێ هەرێمێ”.
پشتى زنجیرکا جڤینان دگەل حکومەتا عێراقێ، ل چەند رۆژێن دەربازبووى دا شاندێ هەرێمێ بێ لهەڤهاتن ڤەگەریا و داخوازیێن وان هاتنە رەتکرن.
