نێرین

بخه‌ونا ده‌وله‌تێ نڤستین و بخوزیا موچه‌ی ژ خه‌ورابوین

هه‌رچه‌نده‌ وه‌ك من گه‌له‌ك جاران نڤیسی هه‌ر تشته‌كێ ل باشورێ وه‌لات ئه‌ز بخوه‌ نورمال دبینم و دبێژم سۆپاس هوسا بدوماهی هات و نه‌خرابتر. دبه‌ هنده‌ك بێژن باشه‌ ماخرابتر هه‌یه‌،

مه‌ هه‌مو تشته‌ك ژ ده‌ست دا. ئه‌گه‌ر ئه‌م پێداچونه‌ك راستگویانه‌ لسه‌ر مێژویا ئه‌وا ژێرا دبێژن سه‌رهه‌لدان، شوره‌ش، به‌رخوه‌دان …هتد یێن كوردا لباشور دێ بینین كو ژ وێرانی زێده‌تر بومه‌ نه‌ئانیه‌.

ئه‌گه‌ر ئه‌م ره‌وشا كوردان بینین به‌رچاڤێن خوه‌ ژ دوروستابونا ده‌وله‌تا عیراقێ تا رۆژا ئه‌ڤرو لدویف گوتنێن خه‌لكێ مه‌یێ هه‌رێ ساده‌ تا دگه‌هیته‌ نڤیسكارێن مه‌، هه‌می بباوه‌ریا من بیه‌ك ده‌نگ دبێژن خوه‌زیكێن مه‌لك فه‌یسه‌ل، قاسم، عارف، بكر و گه‌له‌ك نوكه‌ دبێژن سه‌ددام………!!!!!!!!!!

بتایبه‌تی پشتی سیسته‌ما كوماری جهێ سیسته‌ما پادشایی گرتی لهاڤینا سالا ١٩٥٨ هنده‌ك كوردێن شیان نه‌ی پاریێ نانێ خوه‌ بكاره‌ك بروممه‌ت په‌یداكه‌ن پرسا كورد و كوردستانی دیت بو خوه‌ وه‌ك شایه‌سته‌ترین و ئاسانترین كار بو چاكترین بژێوا ژیانا خوه‌ و بنه‌مالا خوه‌.

كوردێن باشور پێویستی ببه‌رخوه‌دانه‌ك چه‌كداری هه‌بو؟

خوه‌ندنه‌ك هه‌را ساده‌ لسه‌ر ره‌وشا گه‌لێ كورد بگشتی و وه‌لاتێ كوردستان لوێ ده‌مێ هه‌یا روژا ئه‌ڤرو بباوه‌ریا دسه‌لمینیت شاشیا هه‌لگرتنا چه‌كی هه‌مبه‌ر حوكومه‌تا ناڤه‌ندی ل به‌غدا.

گه‌لێ كورد لباشور باشترین ماف هه‌بون ببه‌راوه‌ردكرن لگه‌ل پارچێن دن و بتایبه‌ی باكور و روژئاڤا. وه‌ك مه‌ هه‌میا دپراكتیك دا دیتی كو هه‌رده‌ما لناڤبه‌را ئه‌وێن خوه‌ ببریارده‌ر و سه‌ركردێن كورد ناسكرین و حوكمه‌تا به‌غدا تێكچوی خوه‌ هاڤێتنه‌ همبێزا داگیكه‌ره‌ك دن یێ نه‌ته‌وا خوه‌،

ئه‌و داگیركه‌رێ كو كوردێن وێ پارچێ ره‌وشا باشور بو خوه‌ وه‌ك به‌هه‌شت ددیت. تشتێ هه‌رێ بالكێش بو من كو كوردا به‌رده‌وامترین و درێژترین به‌رخوه‌دانێن چه‌كداری ل باشور و روژهه‌لاتێ وه‌لاتی كرینه‌ كو دهه‌مان ده‌مدا كوردێن باكور و روژئاڤا ژ هه‌مو مافه‌كێ سه‌ره‌كی بێپار بونه‌،

هه‌یا ناڤێ كورد و كوردستان لتوركیا و سوریا لسه‌ر هه‌ركه‌سه‌كی یان پارچه‌ك ئاخێ قه‌ده‌غه‌ بو، هه‌مبه‌ر ڤێ لباشور و روژئاڤا كورد و كوردستان راستیه‌ك حاشاهه‌لنه‌گره‌ ژ لایێ ئیران و عیراقێ ڤه‌.

تشتێ هه‌رێ بالكێش پرانیا كه‌سێن دناڤ په‌ده‌كێ و پشتی ئاشبه‌تالیا ١٩٧٥ یه‌نه‌كێ و پارتێن دن بسه‌دان جاران بده‌ڤكی و بنڤیسین خوه‌یاكرنه‌ كو گوهارتنێن مه‌زن لپارچێن دنێن كوردستانێ نابن هه‌یا كوردێن باكور نه‌گه‌هن چاره‌سه‌ریه‌كێ لگه‌ل ده‌وله‌تا تورك،

چونكی توركیا ئه‌‌سته‌مه‌ بهێلیت كوردێن پارچه‌كا كوردستانێ به‌ره‌ڤ هه‌رره‌نگه‌ك خوه‌سه‌ری بچیت و وه‌ك ته‌ماشه‌ڤان راوه‌ستێت، ئه‌ڤ هه‌لویسته‌ توركا راشكاوانه‌ راگه‌هاندیه‌، هه‌م ژ لایێ له‌شكه‌را، سیكوله‌را و ئولدارا. مژارا‌ من باشوره‌ له‌وما ئه‌م بله‌ز لسه‌ر هندێ راوه‌ستین كانێ پشتی ٥٩ سالا ژ به‌رخوه‌دانا چه‌كداری ئه‌م گه‌هشتین كووڤه‌. لامه‌ركه‌زی، حوكمێ زاتی، حوكمێ زاتی حه‌قیقی، فیدرالی،

ده‌وله‌ت…… موچه‌؟؟؟؟؟؟؟ پشتی نێزیك سێ سالان ژ به‌رخوه‌دانا چه‌كداری و ژسه‌ده‌ما هه‌ڤركیا بالێ مه‌لا موسته‌فا بارزانی و بالێ ئیبراهیم ئه‌حمه‌د یه‌كه‌مین پارچه‌بون كه‌فته‌ په‌ده‌كێ ئه‌وا تێ ناڤكرن بپارچه‌بونا مه‌كته‌با سیاسی. سه‌رئه‌نجاما وێ ئیبراهیم ئه‌حمه‌د لگه‌ل هه‌ڤالێن خوه‌ چون ئیرانێ و مه‌لا موسته‌فا دانوستاندنێن لسه‌ر لامه‌ركه‌زیه‌تێ لگه‌ل حوكمه‌تا به‌غداكر.

بهاتنا به‌عسیا بو سه‌ر ده‌ستهه‌لاتێ هاڤینا سالا ١٩٦٨ ژ لامه‌ركه‌زیه‌ت چوین بو حوكمێ زاتی. پشتی وێران بونا هه‌زارا گوندا، عه‌ره‌بكرنا پتر ژ ٤٠% ژ باشور پشتی ئاشبه‌تالیا بوهارا ١٩٧٥ مه‌ داخوازا حوكمێ زاتیێ حه‌قیقی كر كو بكیمیابارانا حه‌له‌بچه‌،ئه‌نفال، مرنا پتر ژ ٢٠٠ هه‌زار كه‌سان،

وێران بونا هه‌زارا گوندا، مشه‌ختبونا سه‌دا هه‌زار كه‌سان. بكه‌فتنا سه‌ددام بو كوێت لدوماهیا هاڤینا ١٩٩٠ و شه‌رێ یه‌كه‌مین یێ كه‌نداڤا فارسی ل ده‌ستپێكا سالا ١٩٩١ بپشتگیریا ئه‌وروپا روژئاڤا و ئه‌مریكا به‌شه‌ك ژ باشور ژ ده‌ستهه‌لاتا حوكمه‌تا ناڤه‌ندیا به‌غدا هات پاراستن و بو جارا یه‌كه‌مین ل به‌شه‌ك ژ پارچه‌ك كوردستانێ كورد بون خوه‌دان ده‌ستهه‌لات ژ حوكمێ زاتی ئه‌م چوین بو فێدرالیزمێ.

ده‌وله‌ت سه‌رێ رێڤه‌به‌ریا كوردی مه‌ گوندێن مایی وێران كرن، بهه‌زاران كه‌س لژێر ناڤێ مه‌لایی و جه‌لالی مه‌ سه‌ربركرن، ئه‌ڤ مالێن ماین مه‌ بخوه‌ لبن ناڤێ كوردایه‌تیێ تالانكرن،

گوند وێرانكرن، هند ل هه‌ڤلێر و دهوك مشه‌خت كرن و هند ل سوله‌یمانیێ. پشتی ڤێ هه‌می وێرانیێ گوتن ئه‌مێ ده‌وله‌تێ راگه‌هینن، ئه‌مێ ببین سپارتاكوس و هه‌می جیهانێ له‌رزینین،

ئه‌م دێ داخوازا ده‌وله‌تێ كین دا موچێ‌ وه‌ بده‌ستخین. پرسه‌ك بو هه‌ركه‌سێ ڤی بابه‌تی بخوینیت، گه‌لو ره‌وشا مه‌ یا ئه‌ڤرو باشتره‌ یانژی ره‌وشا تیرمه‌ها١٩٦١؟ ئه‌رێ وێ سه‌رده‌مێ هومكه‌تا ناڤه‌ندی موچێ كوردا بری بو كو پشتی ٥٩ سالا ئه‌م داخوزا موچه‌ی دكه‌ین؟ زۆر كه‌س ژمن دپرسن ته‌ چ كێشه‌ هه‌ی؟

كێشا من . نڤیسه‌رێ ره‌ڤینێ بداستانا به‌رخوه‌دانێ بناڤ دكه‌ت. . سیكوله‌رێ بئایه‌ت و هه‌دیسا سیكولاریسمێ شروڤه‌دكه‌ت. . پروفێسه‌رێ نه‌ خوه‌نده‌ڤانا وه‌ك ئافلاتۆن بناڤ دكه‌ت.

. سترانبێژێ چه‌په‌رچولكه‌را بسپارتاكوس هه‌ڤ وێنه‌دكه‌ت. . كه‌سانێن شانازیێ دكه‌ن بگورێ زاروكێن دایبابا بژار و ژیری خوه‌دانكرین و هاتینه‌ كوشتن بێ ئارمانج، مروڤ شانازیێ دڤێت بژیانێ بكه‌ت نه‌ بمرنێ. . كه‌سانێن هیڤیا وان تالانكه‌ر رۆژه‌كێ ببن زێره‌ڤان. .

كه‌سانێن هیڤیا وان سازیژناڤبه‌ر روژه‌كێ چاكسازیا بكه‌ن. . كه‌سانێن رومانێن قه‌هره‌مان، ده‌ستپاك و ئاڤادانكه‌ر لسه‌ر ترسینوك، ده‌ست و ده‌همه‌ن پیس و وێرانكه‌رێن وه‌لاتێ من دنڤیسین. به‌لێ من كێشه‌ لگه‌ل هه‌می ژیانا خوه‌ هه‌یه‌، شه‌ش نفش ژ هه‌می خوه‌شیه‌كێ بێپاركرن،

شوینا به‌لاڤكرنا ره‌وشت و ڤیانێ، كه‌ر‌ب و كین بناڤمه‌دا به‌لاڤكرن، بهه‌زاران خێزان كرن خویندارێن هه‌ڤ، بێ ره‌وشتی دنڤامه‌دا به‌لاڤكر، دره‌وه، هه‌ڤدو خاپاندن، نانكوری و تشتێ ژهه‌میێ گرنتر په‌یڤا خیانه‌ت ژناڤ مه‌ راكرن. به‌ری ده‌مه‌ك نه‌ زۆر من گوهداریا یه‌ك ژ ده‌هۆل قوتێن میری دكر،

دگوت نابه‌ هه‌ركه‌س نڤیسینێ بكه‌، هه‌ركه‌س نكاره‌ ببه‌ نڤیسكار، وه‌ك به‌رسڤ دبێژم كور و كه‌چێن وه‌لاتێ خوه‌، نه‌ گرنگه‌ ئاستێ خواندنا ته‌ چه‌نده‌، هزر و خه‌مێن خوه‌ دارێژه‌ سه‌ر كاغه‌زێ،

هه‌یا بكاری بنڤیسه‌، خوه‌نده‌ڤانه‌ بریارێ وێ بده‌ت كی نڤیسكاره‌ نه‌ كۆمه‌ك مروڤێن ده‌هۆل قۆت و زورنابێژ كو ناڤێ نڤیسكار لخوه‌ كرنه‌. كه‌سه‌ك ناڤێ نڤیسكار لخوه‌ ناكه‌ت، به‌لكو به‌رهه‌مێ‌ نڤیسینێ یێ هه‌ژی خه‌لكێ‌ ملكه‌چ دكه‌ت ناڤێ نڤیسكاری لهنده‌ك مروڤا بكه‌ت.

له‌وما دوباره‌ بنڤیسه‌ و بنڤیسه‌ لێ راست گوبه‌ لگه‌ل خوه‌ دنڤیسینا خوه‌دا، چونكه‌ ته‌نها نڤیسینا راستگو لگه‌ل سه‌رده‌ما خوه‌ هه‌می ده‌ما دمینه‌ زندی. بكورتی و بكوردی بده‌وله‌تێ ئه‌م به‌نج كرین و موچه‌ كره‌ خه‌ون.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close