كوردستانینووچه‌

مەسرور بارزانی و سوران عومەر


د. شه‌عبان مزیری
وه‌ك هاتیه‌ به‌لاڤكرن لهنده‌ك مالپه‌ر و تورێن كومه‌لایه‌تی سه‌روكێ‌ هوكمه‌تا هه‌رمی مه‌سرور بارزانی سكالا توماركریه‌ لسه‌ر په‌رله‌مه‌نتارێ كومه‌لا ئیسلامی سوران عومه‌ر. وه‌سا دیاره‌ ژبو ئه‌ڤ سكاله‌ رێكێن خوه‌یێن یاسایی بگره‌ به‌ر دڤێت مافێ‌ پارستنێ وه‌ك ئه‌ندام په‌رله‌مان ژێ وه‌رگرن ژبو به‌رده‌وامی بسكالایێ بێت دان.
لڤێره‌ دبینم به‌شه‌ك ژ خه‌لكی لسه‌ر راكرنا مافێ پاراستنا په‌رله‌مه‌نتاری خوه‌ نیگه‌ران كریه‌، وه‌ك ئه‌ز تێگه‌هشتیم ئه‌ڤ كه‌سه‌ ناخوازن سوران عومه‌ر ڤی مافی ژ ده‌ست بده‌ت، بێگومان من رێز بو ڤێ بوچونێ هه‌یه‌، لێ من دبنه‌ره‌تدا باوه‌ری پێ نینه‌. بمن هه‌ر تاكه‌س پێش هه‌ر پۆسته‌ك وه‌رگریت هاولاتیه‌ك ئاساییه‌، له‌وما هه‌می ماف و ئه‌ركێن لسه‌ر كه‌سێن دن ده‌رباس دبن دڤێت لسه‌ر وی وێ ژی بێ دو دلانه‌ ده‌رباسبن.
ئه‌گه‌ر كه‌سه‌كی مافێ وێ یه‌كه‌ هه‌به‌ كو سكالا لسه‌ر خه‌لكێ توماركه‌، وێ ده‌مێ مافێ خه‌لكێ دنه‌ژی سكالا لسه‌ر وی توماركه‌. ژبو ئه‌م دو چاری ڤان ره‌نگه‌ ئاریشا نه‌بین بمن نابه‌ كه‌سه‌كی پاراستنا لێپێچینێ هه‌بیت. وی ده‌می بسه‌دان كێشه دێ ئێنه‌ نخافتن و لدوماهیكێ ژبیركرن یانژی برێكه‌ك دولایه‌نی وێ بێن چاره‌سه‌ركرن دویر ژ دادگا و خه‌لكی.
به‌شه‌كدن سكالا مه‌سرور بارزانی وه‌ك كاره‌ك نه‌ ته‌ندوروست یانژی فشار و گه‌ف نیشان دده‌ن لێ دیسان بمن هه‌ر چه‌وابه‌ مافێ ویه‌ سكالا توماربكه‌، بلا كه‌سێ هه‌مبه‌ر خوه‌ نه‌خسته‌ ژێرفشارا و ژ گه‌فا، بلا نه‌ترسه‌. بلا سوران عومه‌ر هه‌می به‌لگێن خوه‌ كومكه‌ و بچیته‌ هه‌مبه‌ر كه‌سێن په‌یوه‌ندیدار و ڤێ یه‌كێ بكاره‌ك ئاسایی وه‌ر‌گره.
بمن ئه‌گه‌ر سوران عومه‌ر راستگوبیت لگه‌ل خوه‌ پێویست ناكه‌ت چاڤه‌رێ وێ یه‌كێ بیت تا هنده‌ك بریارا راكرنا پاراستنا وی وه‌ك په‌رله‌مانتار بده‌ن، دڤێت ئه‌و بخوه‌ ئه‌ڤرو به‌ری سوبه‌ بنڤیسكی داخوازا راكرنا پاراستنێ لسه‌ر خوه‌ بكه‌ ژ سه‌روكاتیا په‌رله‌مانی.
لدوماهیكێ‌ هیڤیدارم ئه‌ڤ مافه‌ بیه‌ك جاری بێته‌ هه‌لوه‌شاندن ژبو كه‌سه‌ك نه‌یێ پاراستن ژ هه‌می ره‌نگێن لێپێچینا.‌

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close