چاند و هونه‌ر

هوزان . عه‌ورێن ره‌ش هه‌ر دێ ڤه‌ره‌ڤن

صابر بشير

هوون عه‌ورێن ره‌شن ره‌شه‌بانه‌ بسه‌ر ڤى وه‌لاتیدا هاتین هوون به‌لانه‌ ده‌رده‌سه‌رى و خولیسه‌رى و كاره‌ساتن بسه‌ر ڤى ملله‌تیدا هاتین گه‌ر ملله‌ت باین یان مروڤ و خودان رێز خودان سه‌روه‌رى و بها باین هوون شین نه‌دبوون و نه‌دهاتن چه‌ند خوانده‌ڤان و خودان ناڤ دفن بلند و سه‌ر گه‌رم ب باوه‌رنامه‌ خودان ناسناڤ هوون چه‌ند و چه‌ند ئه‌زبه‌نى بن ل ده‌ف مروڤان خودان رێزان هه‌ر نه‌زانن هوون نه‌فامن پاشكه‌فتینه‌ هیچ نزانن چه‌ند ژیێ وه‌ درێژ ببیت با و باورڤێ وه‌ بهێز ببیت چه‌ند به‌ژنا وه‌ بلند ببیت و سه‌رێ وه‌ مه‌زن ببیت پشت راست نه‌بن ل خو هشیاربن ژبیر نه‌كه‌ن مه‌غرور نه‌بن هوون دیوارێ لسه‌ر به‌فرێنه‌ هوون چنینن یێن ژ هه‌وه‌ زور بهێزتر.. زور زانا تر و به‌رێز تر زور ماقویلتر خودان ناڤ تر خو نه‌گرت و ئاڤێ برن دناڤ ئاگریدا سوتن بوونه‌ هه‌لم بوونه‌ خولى چ ژێ نه‌مان باى ئه‌و برن ڤێجا هوون دێ چه‌ند خو گرن هه‌تا نوكه‌ چه‌ند یا سه‌یره‌ ب دروستى خو نانیاسن هوون داره‌كا چه‌ند بلندبن یا بێ به‌رهه‌م یا خرشن هوون نه‌ ژمه‌نه‌ بیانینه‌ رهێن هه‌وه‌ یێن لسه‌ر ئاخێ دناڤ عه‌رێ مه‌دا ناچن بایه‌كێ بهێز یێ پاییزا یان له‌هیه‌كا زڤستانا دێ هه‌وه‌ سه‌ر ئێكدا ئینیت دێ ژ رهادا ده‌رئینیت دگه‌ل وه‌ریانا به‌لگێن دارا دگه‌ل هاتنا وه‌رز پاییزا دێ زه‌ر بن و خاڤ بن دێ لاواز بن و دێ مرن ب ئێكجارى دێ وه‌رن و دێ وندا بن تووڤێ هه‌وه‌ دێ ژناڤ چیت ئه‌وژى گه‌روه‌ توڤه‌ك هه‌بیت چ جاران هوون شین نابن بتنێ ناڤێن بێ ناسناڤ دێ دناڤ په‌رێن ره‌ش دا مینن

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close