ئەڤرۆ پەرلەمانێ کوردستانێ دجڤیت و گۆتۆبێژێ لسەر پێشنیارا بڕیارەکێ و پلانا وەزارەتێن خواندنا بلند و پەروەردێ دکەت دەربارەی لێکەفتێن کۆرۆنایێ و ڕاگرتنا دەوامێ.
د بانگهێشتنامەیەکێ دا سەرۆکاتیا پەرلەمانی ئەڤرۆ بۆ جڤینا پەرلەمانی دیارکریە، ئەڤە ژی یەکەم جڤینا پەرلەمانێ کوردستانێیە پشتی دەستپێکرنا ڕێکارێن ڕێگریکرن ژ بەلاڤبوونا ڤایرۆسێ کۆرۆنایێ.
د جڤینا پەرلەمانی دا، خواندنا یەکێ بۆ بڕیارا پێشکەشکرنا پێشنیارا یاسا و بڕیارێ دهێتە کرن، کو ژ ئالیێ پەرلەمانتاران ڤە دێ هێتە پێشکەشکرن، هەروەسا پلانا وەزارەتا خواندنا بلند و پەروەردێ دەربارەی سەرەدەریکرن دگەل لێکەفتێن کۆرۆنایێ لسەر خواندنا ئەڤ سالە گۆتۆبێژدکەن.
ژبەر بەلاڤبوونا ڤایرۆسێ کۆرۆنایێ ژ ڕۆژا ٢٦ێ سباتا ئەڤ سالەڤە دەواما خواندنێ هاتیە ڕاگرتن و هەیا نها بڕیارا دەستپێکرنەڤا خواندنێ نەهاتیەدان و وەزارەتێن خواندنا بلند و پەروەردێ بزاڤان دکەن ب خواندنا ئەلیکترۆنی قەرەبوویا خواندنا ئەڤ سالە بکەنەڤە.
