بۆ ئێكه‌مین جار گه‌شتا راسته‌وخۆ د نێڤبه‌را فرۆكخانا هه‌ولێرێ وئه‌مریكا دا هاته ئه‌نجام دان، كو بۆ ده‌مێ زێده‌تر ژ 10 ده‌مژمێران ڤه‌كێشا.
ل گور راگه‌هاندنه‌كا فرۆكخانا نێڤده‌وله‌تی یا هه‌ولێرێ ، رۆژا سێشه‌مبی پێشوازی ل گه‌شته‌كا دیپلۆماتی یا هێلا ئه‌سمانی یا مسری كریه كو راسته‌وخۆ ژ واشنتۆنا پایته‌ختێ ئه‌مریكا هاتبوو.
خۆیا ژی كریه ، كو ده‌مێ وێ گه‌شتێ 10 ده‌مژمێر و 33 خوله‌كان ڤه‌كێشا ، و وێ فرۆكێ 9 هزار و 656 كیلۆمه‌تر بڕینه.
ژ لایێ خۆ ڤه ته‌لار فایه‌ق رێڤه‌به‌را گشتی یا فرۆكخانا نێڤده‌وله‌تی یا هه‌ولێرێ راگه‌هاند ، كو ئه‌ڤه ئێكه‌مین گه‌شتا راسته‌وخۆیه د نێڤبه‌را فرۆكخانا هه‌ولێرێ و ئه‌مریكا دا.
