سروشتێ مروڤی بخوە هەردەم حەژ سەرکێشی و سەروەریێ دکە، ژ بۆ وێ هەردەم د خەبات و تێکوشانێدایە، هەر ل دەست پێکا ژیارا خوە مروڤی هەول دایە، بگەهە گوپیتا خوەشیا خوە یا سەروەریێ، گەر مروڤ ژ ناخێ خوە هزر بکە کا خوەشیا وێ سەروەریێ چەند بهایەک مەزنە، ئەز باوەرم، چ جار ناهێلە ب بە مروڤەک خولام و بن دەست ب مینە، بێ گومان بێ بەرخوەدان نەباوەرە تشتەک وەها بهێت دەست خستن، تەماشە بکە سەرهلدانا بهارێ ل سەر زڤستانا سار و قەرسی، چەوا گول و گولزار، شالیل و بلبل، کانی و روبار، کچ و کور، ئاشق و ئەڤیندار ب دین و هاراتیا خوە دکەڤن ناڤا خوەشیەکا چ جار نەشێین ژێرا بکەین گوتنەک ژ هەژی وێ سەروەریێ.
گەلۆ، ما دا چ رویدەت گەر ئەم مللەتێ کورد ب باین بهار و ل سەر زڤستانا سار و قەرسی دا زالباین، ئەرێ راستی دا چ رویدەت؟ ل جهێ کۆ ئەم خولام و ژێردەست باین، نها ئەم سەرکێش و سەروەرباین!
ئەرێ ئەم مللەتەک هندە لاواز و کێر نەهاتینە! پێخاسێن بیابان، مەغولێن ژ برسادا رەڤیاین، فارسێن خولامێن هوری و میتانیان، ب بن سەردار و رێبەرێن مە!
ئەرێ تو دزانی؟ تو خودان کەڤنترین و مەزنترین شارستانیەتی ل روژهەلاتا ناڤین؟ ئەرێ تو دزانی دەما کورد سەرکێش و سەروەر، پێخاسێن بیابان و برسیێن مەغولی و فارسێن خولام هەر د هەبوونێدا نەبین!
کوردۆ مانە شەرمە ئەوێن ناڤێن وان د هەبوونێدا نەی، ئەڤرۆ ئەو بتنێ مە کێر خولامینیا خوە ب بینن!
ئەرێ چ جارا تە پرس ژ خوە نەکریە؟ ئەرێ ل جهێ وێ ئەز خولامینیا ڤان مللەتێن داگیرکەرێن کێرنەهاتی بکەم، ما بوچی ئەز نابم سەرکێش و سەروەر و وان مللەتا بێخم د خزمەتا گەل و خاکا خوەدا!
بتنێ هزرکرن د هەبوونێدا، دبیتە باشترین رێبەر و رێنیشاندەر، ژ بۆ بهێزبوونێ، یا دیارە هەردەم هێز پیڤەرە بۆ سەروەری و سەردەستی و دەربازبین ژ بن دەستیێ.
پرسیار ل ڤێرێ ئەو بهێزبوونە چەوا و کەنگی؟ بێ گومان هێز د ناحێ گەل دایە، چەوا هێزا رویبارا ژ ئاڤا کانی و باران و حەلیانا بەفرێ یە، ئاها وەسا هێزا هەر مللەتەکی د ناخێ گەلێ وێدایە، گەر مە شیا هێزا گەل ئاڤاکەین، ئەو گەل بخوە چ جار رازینابە خولامینیا مللەتێن داگیرکەرێن زالم بکە.
ئەڤرو ئەم تەماشەی باشور بکەین، مخابن، ل جهێ وێ هەول و بزاڤ بۆ بهێزکرنا گەل بهێن مەزاختن، ب هەمی هێز و شارەزایا خوە گەل زەلیل و بێ ئیرادە کریە، وەسا زەلیلکریە، گەهاندیە وی ئاستی جارەک دی رازیبە وەک خولام ل ژێر پوستالا و عەقالا پێخاسێت بیابانێ بژیت!
ب راستی گەل و مللەت ب ڤێ خاندنێ نابن خوەدان هێز و ئیرادە، کا چەوا ( بوزا ) ی گوت نەشێم بەردەوامیێ ب دەم روژی گرتنێ، چونکە ژ هەڤالێن خوە گوت دەما ئەز ب روژی دبم، ئەز هێز و هزرا خوە ژ دەست د دەم، ژبەر وێ نەشێم بگەهم راستیا ژیانێ!
ئاها دڤێت کورد ل هەر دەرێ جیهانێ بێژن، ئەم نە مللەتەکین بەردەوام بژین ل ژێر دەستی و خولامینیێ ، بەلکو ئەم ئەو مللەتین ئەوێن سەرکێشی و سەروەریا شارستانیەتا مێزوپوتامیا کرین، و دڤێت هەر ب زڤرینە سەر وێ رەسەنایەتیێ، بێ ئێک ودوو، دڤێت ئەم ل پێشیا هەر تشتەکی هزر د ئاڤاکرنا هێزا گەل دا بکەین، چونکە تەنها رێگە چارە د ئاڤاکرنا هێزا گەل دایە، هەلبەت ئەو هێز ب برسیکرن و زەلیلکرنێ ناهێت هەبوونێ، چەوا دێ تو د شێی گەلەکێ بهێز ئاڤا کەی، تو بخوە وەسا وی گەلی رەزیلکەی چاڤەرێ خێر و خێراتێن پێخاس و عەقالێن بیابانا بیت!