شەڤا دەربازبووى لسەر جادەیا سەرەکی یا دهۆک ـ زاخۆ ئاگر ب سێ ترۆمبێلێن بارهەلگر کەفت و شەوتین.
بێوار عەبدولعەزیز بەرپرسێ راگەهاندنا بەرەڤانیا باژارێ دهۆکێ راگەهاند، شەڤا دەربازبووى دەمژمێر ١:٢٥ خولەک لسەر جادەیا سەرەکی یا دهۆک ـ زاخۆ ل نێزیکى کومەلگەها موقبلێ ئاگر ب سێ ترۆمبێلێن بارهەلگر کەفت و شەوتین.
دیار ژى کر، دگەل بوویەرێ بنگەهێ سێمێلێ ب هەڤکاریا بنگەهێ باتێلێ و بنگەهێ مالتایێ یێن ئاگر ڤەمراندێ بەرهەڤبوون، و شیان کونترۆلا ئاگری بکەن.
هەروەسا دازانین ژى، هەیا نها سەدەمێن ئاگربەربوونێ نەهاتینە زانین، د بوویەرێ دا زیانێن گیانى نەبووینە و بتنێ زیانێن مادی هەبووینە.
