د روونشتنا ئەڤرۆ یا پەرلەمانى دا ب ەنگێن ٥٧ پەرلەمانتاران پارێزبەندی لسەر سۆران عومەر پەرلەمانتارێ فراکسیۆنا کومەل راکر.
پەرلەمانێ کوردستانێ بۆ گۆتۆبێژکرن لسەر راکرنا پارێزبەندیێ لسەر چار پەرلەمانتاران و خواندنا دووێ بۆ پێشنیارا بریارا پێشکێشکرنا پرۆژە یاسایا جڤیایە و ب دەنگێن ٥٧ پەرلەمانتاران پارێزبەندی لسەر سۆران عومەر پەرلەمانتارێ کومەلێ هاتە راکرن.
هەر د روونشتنێ دا راکرنا پارێزبەندیێ لسەر هەر یەک ژ ئومێد خوشناو ل راکسیۆنا پارتى و عەلی حەمە سالح و شرین ئەمین ل فراکسیۆنا گۆران دەنگێن پێدڤی نەئینان.
ئەڤ روونشتنە د دەمەکێ دایە کو هێشتا سەرۆکا پەرلەمانێ کوردستانێ ئیمزا لسەر وێ نڤیسێ نەکریە و د داخویانیەکێ دا بۆ ئێن ئاڕ تى راگەهاند، ئەو دژی ژێ ستاندنا پارێزبەندیێ یە ژ پەرلەمانتاران.
