بێوار حسێن زێبارى : ئاكرێ ،
پاكژكرنا ژینگه‌هێ ب ئه‌ركه‌كێ ب ره‌واو و به‌رچاڤ دهێته دیتن یانژى كو نیشانێن پێشكه‌ڤتنێ نه و پاكژكرنا ژینگه‌هێ ژى ئه‌ركێ هه‌مى كه‌سانه و پاراستنا ژینگه‌هێ ئه‌ركه‌كێ نشتیمانیه پێدڤى یه لسه‌ر هه‌ر تاكه‌كى كو پارێزگاریێ ل ژینگه‌هێ بكه‌ت و ب شێوه‌یه‌كى جوان ژینگه‌هێ بپارێزیت و پیس بوونا ژینگه‌هێ ژى كو دبیته ئه‌گه‌رێ مرنا ئاژه‌لا و مه‌ترسی لسه‌ر هه‌بونا نه‌خوشیان و بۆچ كۆرۆنا ؟؟
ئه‌گه‌ر به‌رحسى ژینگه‌هى بكه‌ین خه‌لك و ده‌وله‌ت و ریكخراوێن ژینگه‌ه پارێزى ژى وه‌ك پێدڤى نه‌شیایه رێگرى بكه‌ن ژ پیسبوونا ژینگه‌هى لێ هه‌بونا كۆرۆناى زۆر كارتێكرنه‌كا ئه‌رینى هه‌بوویه لسه‌ر پاراستنا ژینگه‌هى و هاته پاراستن ژى ژ سه‌رانسه‌رێ جیهانێ .
راستى پاراستنا ژینگه‌هێ ئه‌ركه‌كێ نشتیمانیه پێدڤى یه لسه‌ر هه‌ر تاكه‌كى كو پارێزگاریێ ل ژینگه‌هێ بكه‌ت و ب شێوه‌یه‌كى جوان ژینگه‌هێ بپارێزیت ل هه‌ر جهێ ئه‌و لئ بیتن و جونكى ژینكه‌ه كاریگه‌ریه‌كا راسته‌وخو لسه‌ر ژیانا مروڤى دكه‌تن و ب تایبه‌تى ل وه‌رزێ بوهارى كو وه‌رزێ سه‌یرانا یه و زوربه‌یا خه‌لكى داوه‌تا و شه‌هیاناو نیشانیان دبه‌نه جهێت گه‌شت و گوزارى و پێدڤى یه ئه‌م وى جهئ سه‌یرانا و گه‌شت و گوزارى ب پاكژ راگرین و هه‌مى پاشماوێت خارن و ڤه‌خارنێ ل وى جهى نه‌هێلین كو به‌س ب مخابنى ڤه كو هنده‌ك خه‌لكێ هه‌ى دناڤ جڤاكێ مه‌دا كو چ كرنگیێ ب پاكژیا ژینگه‌هێ ناده‌ن و جهێ خو یاكژ راناگرن ده‌مێ دچنه سه‌یرانا و هیڤید كه‌م كو ئه‌م ژى وه‌كى وه‌لاتێن پێشكه‌فتى گرنگیه‌كا زور ب ژینگه‌هێ خو بده‌ین و ب شێوه‌كێ جوان راگرینى.
پیسكرنا ژینگه‌هێ ئێكه ژ كارێن نه‌زان و پاشكه‌فتى دناڤ كومه‌لگه‌هێدا، به‌لێ پاكژ راگرتنا ژینگه‌هێ و پاراستنا وێ كاره‌كێ جوان و پێشكه‌فتى یه، پاكژ كرن و پیس نه‌كرنا ژینگه‌هێ و پاراستنا بالنده‌و گیانه‌وه‌رێن دناڤ وێ ژینگه‌هێ دا ئه‌ركه‌كێ نه‌ته‌وایه‌تى و پێتڤى یه ل سه‌رمه، ب تایبه‌تیش ل ده‌مێ چونا گه‌شت و سه‌یراناندا ، چونكه ل وى ده‌مى دێبینین زوور ژ وان كه‌سێن ب مه‌ره‌ما سه‌یرانێ قه‌ستا وى جهى یا كرى پاشماوێن خو یێ ل جهێ خو هێلاین ل ده‌مێ بالنده‌ك یان گیانه‌وه‌ره‌ك قه‌ستا وى جهى بكه‌تن چ پێ نه‌ڤێت ئه‌ڤ گیانه‌وه‌ره دێ تویشى نه‌خوشیێ بیت و دبیتن ببیته ئه‌گه‌رێ مرنا وى گیانه‌وه‌رى ، هه‌روه‌سا دێ بیته ئه‌گه‌رێ پیسبوونا سروشتێ ژینگه‌هێ، چونكى هه‌ر ئه‌و گیانه‌وه‌رن وێنه‌یه‌كێ جوان دده‌نه ڤێ ژینگه‌هێ سروشتى ئه‌ڤه ل لایه‌كى ڤه ، ل لایه‌كێ دى ئه‌ڤ ژینگه‌هه مولكێ هه‌مى زینده‌وه‌ره‌كێ یه چ مروڤ بیت یان گیانه‌وه‌ر و بالنده بیت، بویه ل ده‌مێ گه‌شت و سه‌یراناندا پێتڤى یه ئه‌م مافێ چ زینده‌وه‌رێن دى فراموش نه‌كه‌ین و زیانێ نه گه‌هینینه سروشت و گیانه‌وه‌رو بالندێن ژینگه‌هێ
ئه‌ڤه ژى دیارده‌كا به‌ر به‌لاڤه و هه‌روه‌سا ژى كو دبێژن شاره‌وانى ب ئه‌ركێ خۆ رابن و ئه‌ز دبینم ئه‌ڤه به‌رۆ ڤاژیێ هندێ یه و بدروستى ئه‌و كارێ خۆ رادبن و ب پاكژ كرنا ڤان جهان و خودان ئاژه‌ل ژى گازندا دكه‌ن كو دبیته ئه‌گه‌رێ مرنا ئاژه‌لێن وان و كو ب وى پیساتى و بهنێ و نه‌خوشى یێ په‌یدا دكه‌ن و كوتژى داخازێ خه‌لكى دكه‌م كو ئه‌و ژى هاریكاربن ل سه‌ر ڤێ چه‌ندێ چنكى ئه‌ڤه مافێ هه‌مى كه‌سان و تایبه‌تى نوكه كو هه‌موو دبینن كو هه‌بوونا نه‌خوشیا كۆرۆناى به‌ربه‌لاڤبوویه ئه‌ڤه ژى ئه‌گه‌رێ هندێ كو ژینگه‌هه‌ك نه‌ساخله‌م هه‌یه لچه‌م خه‌لكى له‌وما ئه‌ڤ قه‌ده‌غه‌یا هاتن و چونى ئێكه ژ وان رێكین كو پیساتى و پاراستنى كێم كه‌ت له‌وما دڤێت هه‌ركه‌سه‌ك فێر بیت ل مالێن خو بێنه په‌روه‌رده كرن و فێرى پاكژى بن دا ژینگه‌هه‌كا ته‌ندروست هه‌بیت مه .