كوردستانینووچه‌

دهۆک.. دەربارەى درێژکرنا دەمێ قەدەغەیا هاتن و چوونێ زەلالکرن هاتەدان

جێگرێ پارێزگارێ دهۆکێ دەربارەى درێژکرنا دەمێ قەردەغەیا هاتن و چوونێ دیار کر کو هەیا نها چ بریارەکا فەرمى نەگەهشتیە دەستێ مە و چاڤەرێی بریارا وەزارەتا ناڤخۆینە.

ماجد سەید سالح جێگرێ پارێزگارێ دهۆکێ راگەهاند، هەیا نها چ بریارەکا نوو یا فەرمى  نەگەهشتیە دەستێ مە و هەیا ئەڤ شەڤە قەدەغەیا هاتن و چوونێ دێ بەردەوام بیت، چاڤەرێی بریارا نووی یا وەزارەتا ناڤخۆینە.

دیار ژى کر،”پێشنیارێن مە ب رێکا پارێزگارێ دهۆکێ بۆ وەزارەتا ناڤخۆ دهێنە بلندکرن، بزاڤێن مە بۆ زێدەترین ئاسیکرنا ژیانا ولاتیان”.

جێگرێ پارێزگارێ دهۆکێ دازانین ژى،”لدیف وەزارەتا ناڤخۆ رێک ب ١٥ جهان ناهێتەدان کو بهێنە ڤەکرن، هەمی جهێن دی رێک دێ هاتیەدان و بزاڤان دکەین هەمى جهـ بهێنە ڤەکرن، لگوری زانیاریان سوبەهی دەرگەهێن مزگەفتان ژى دێ هێنە ڤەکرن”.

هەروەسا راگەهاند ژى، “هەمی فەرمانگەهێن سنورێ پارێزگەها دهۆکێ هایدارکرینە بۆ پاقژکرنا فەرمانگەهان دەستپێبکەن و بهێنەکرن، رێنمایێن جوودا دێ ژ ئالیێ وەزارەتان ڤە بۆ هەر فەرمانگەهەکێ هێنەدان لسەر چەنداتیا کارمەندان و چاوانیا کاری، هەمى بزاڤ بۆ نەبوونا قەرەبالغێ بیت”.

ئەڤە ژى د دەمەکێ دا، ب مەرەما بەلاڤنەبوونا ڤایرۆسێ کۆرۆنایێ، ل هەرێما کوردستانێ رێکارێن ساخلەمیێ گرتینە بەر و ل دەستپێکا مەها ئادارێ قەدەغەیا هاتن و چوونێ راگەهاندیە و هەیا نها ژى بەردەوامە و لێ ئاسانکاریێن ژیانێ بۆ وەلاتیان هاتینەکرن.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close