ل كەمپا هۆلێ یا ڕۆژئاڤایێ كوردستانێ دوو كچێن 17 ساڵیێن ئێزدی هاتنە قورتالكرن و ڤەگەریانە هەرێما كوردستانێ.
هەر ئێك ژ لەیلا موراد عیدو كو ئاكنجییا سەنتەرێ قەزا شنگالێ بوو، و رونیا فەیسەل مسكین ئاكنجییا كۆمەڵگەها سولاغ بوو، ژلایێ كارگێریا كەمپا هۆلێ یا خێزانێن چەكدار و ئەندامێن ڕێكخستییا داعش و بهەڤكارییا مالا ئێزدیان ل ڕۆژئاڤایێ كوردستانێ، هاتنە قورتالكرن و ئەڤرۆ ڕۆژا ئێكشەمبی گەهشتنە هەرێما كوردستانێ.
هەردوو كچێن ئێزدی لەیلا موراد و رونیا فەیسەل ل تەباخا ساڵا 2014 ل قەزا شنگال ژلایێ چەكدارێن ڕێكخستییا داعش یا تیرورست ڤە، هاتبوونە ڕەڤاندن، و ل وی دەمێ تەمەنێ وان یازدە ساڵ بوون.
