وەزارەتا ناڤخۆیا هەرێما کوردستانێ قەدەغەیا هاتنوچوونێ ل ناڤبەرا هەر چوار پارێزگەهان و هەردوو ئیدارێن هەرێمێ درێژ کر.
بۆ رێگریکرنێ ل بەڵاڤبوونا ڤایرۆسێ کۆرۆنایێ، بڕیارا قەدەغەیا هاتنوچوونێ ل ناڤبەرا پارێزگەهێن دهۆک، هەولێر، سلێمانیێ و هەردوو ئیدارێن گەرمیان و ڕاپەرین هەتا سەعەت ١٢ ی شەڤا ١٨ ی ڤێ هەیڤێ هاتە درێژ کرن.
هەر د وێ بڕیارا وەزارەتا ناڤخۆ دا هاتییە کو وەڵاتییێن هەرێمێ یێن ل پارێزگەهێن دی ئاسێ بووین، دشێن ڤەگەڕیێنە هەرێمێ ب مەرجەکی پشکنینێن پێدڤی بۆ بهێنە کرن.
