نێرین

مستەفا کازمی دێ شێت چ بۆ کوردا کەت


ڤەگەریان بۆ مێژویەکا نێزیک بۆ دەستپێکێن پێکئینانا حکۆمەتا نۆیا عیراقێ پشتی ئێخستنا پەتێ دکتاتۆری ل نیسانا 2003ێ و پێک ئینانا ئێکەم حکۆمەتا عیراقێ پشتی ڕاپرسێا لسەر دستورێ عیراقێ ل ٢٠٠٥ێ هاتیەکرن ،کۆ کوردا ڕولەکێ مەزن هەبوو هەم ددارشتنا دستۆرێ نۆیێ عیراقێ و هەم ژی دئەرێکرنا دستوری دگشت پڕسیێدا، دئێکەم دان وستاندنێن پێکئینانا حکۆمەتا عیراقێ دا کورد وەک پێکهاتەکێ رێکخستی و خۆدان ئەزموون و ئەو سیستەمێ کۆ وانا ل هەرێمێ دانای (کۆ مخابن پشتی دەربازبوونا ١٧سالان نهۆ دوو کەس ژی لسەر جۆدا نابن کۆ یاناڤێ وێ سیستەمە دهەرێمێدا نینە) کوردا هنگی شیان پشکا ١٧٪ ژ میزانیا عیراقێ بۆ هەرێمێ دەستەبەربکەن، و شیان فشارا دروست بکەن ژبۆ رێکارێن جێبەجێکرنا مادەیا ١٤٠ بێتەجێبەجێکرن ،کۆئەو بانێ بوهاتیە دانان هەرسێ قۆناغێن وێ بێنە جێبەجێکرن٣١/١٢/٢٠٠٧ێ وەک دوماهیک ژڤان بۆجێبەجێکرنێ دانابوون، هەردئێکەم کابیناحکۆمەتێدا راستیا لێنەزانینا کوردا د هۆنەرێ دبلوماسیەتێ وسیاسەتێدا دیاربۆ، دەما پشتی دوسالێن دەمێ جێبەجێکرنا مادا ١٤٠بسەرڤەچۆیی کو هەم ئەیاد عەلای کۆباوەرم سەروکێ جڤاتاوەزیران بۆگۆت مادا ١٤٠بسەرڤەچۆیە وچ تشتەک نەمایە ژی بناڤێ مادا سەدوچل و سالح مۆتلەک بو گۆتی جارێ دەستێ مەیێ شکەستی بلا چێ ببیت ئەم دزانین دێ چەوا سەرەدەریێ لگەل باکۆرێ عیراقێ کەین، تا دوماهیکا٢٠١٢ێ ژی کوردا هند رول وپێگەها خۆهەبوو،ئەگەر هەرچەندە بودجە ژ ١٧٪هاتەخار بۆ١٢٪ و هنگی شەرێ کوردان لسەر جێبەجێکرنا مادا ١٤٠بۆ مخابن وێڤەتر پشتی کۆ بسپۆرێن سەروکێ حکۆمەتاهەرێمێ پڕۆژەیێ بێمنەتبوونێ بناڤێ ئابۆریا سەربەخۆ ڕاگەهاندی و بسەدەمێن وێ ئابۆریا سەربەخۆ و،هنارتنا ڕاستەراستا پەترولێ ، وەک کارڤەدان ل ٢٠١٤ کە هەڤدەم لگەل هاتنا داعش، مالکی ژی بۆدجەیا هەرێمێ بری و بدابەزینا بهایێ پەترولێ و یڤەتر بزاڤێن هەرێما کوردستانێ ژ بەشداریەکا راستەقینە و،جێبەجێکرنا مادا ١٤٠ بۆ کیش پۆست دێ بەر بەرپرسێن حزبان کەڤیت و دێ چەوا مالکی وپاشی عەبادی رازی کەن کۆ هەرێم یاپەشێمانە ودێ چەوا بۆدجێ بۆ هەرێمێ زڤرینن، مخابن ڤێ دەستەلاتا نەزان ژ کیرێ هەرێم ڤەگەراندە کیرێ، عەبادی بۆدجە نەهنارت و ٥١٪ ژی ژ ئاخا هەرێمێ وەک باجا ئەنجامدانا ریفراندومێ هەرێمێ ژدەست دا، شنی عادل عەبدولمەهدی هات و کورد پشتی بلاوازیڤە چۆینە بەغدا ،هەمی بزاڤ دکرن عادلێ دوستێ کوردا رازیبکەن کۆ پشکا بایێ ٢٥٠هزار بەرمیلێن پەترولێ هەیڤانە بۆ هەرێمێ رەوانەبکەتن و وەک دەسپێشخەریەک بۆ بدوماهیک ئینانا ئالوزیان دناڤبەرا هەرێمێ وبەغدا هاتە ئەرێکرن، لێ سال دەربازبۆ عادل عەبدولمەهدیێ دوستێ هەرێمێ پشکا هەرێمێ فرێکر و هەرێمێ هەر ئەو پشکا پەترولێ ڕادەستی نەکر و ئەڤە بووسەدەم کۆ کوردا سەرێ عادل عەبدولمەهدی ژی خار ،بەری پێنچ هەیڤا خۆپێشاندانا دەستپێکر و بەریا هەیڤەکێ ژی ئەمینداریا گشتی یا ئەنجۆمەنێ وەزیران ڕەوانەکرنا پشکا هەرێمێ سرکر ورێ نەدا بێتەڕەوانەکرن بوهەرێمێ،نهۆ جارەکا دی پشتی عادل چۆی و مستەفا کازمی هاتی دیسان کوردێن رەبەن وێ پرسیارێ دکەن ، ئەرێ توبێژی کازمی پشکا هەرێمێ ڕەوانەبکەت،هەروەکی هەرێم ژ هێزەکا هژمار بوو تاتەکرن یابۆیە سوالکەرەک و دەستێ خۆ دوهی بو عادلی درێژ دکر وئەڤروژی بو کازمی، ژخۆ کاچەوا لاوازیا عادل عەبدولمەهدی دهندێ دا بوویە کۆ چ هێزێن مەزن لپشت پشتەڤانیا وی نەبوون ئەڤە دەبیت وێژی بزانین مستەفاکازمی هەر ئەندام نینە دچ پارتیان دا وهاتنا وی وەک دبێژن کەس دگۆندی دانەما و دوێ هەڤرکیا دمالا شیعەیاندا وەک تەحسیل حاسل بوو سەروکێ وەزیران، ل ڤێرە دەبیت کورد دسێ خالا لپێش چاڤ ببینن کۆ سەدەم بووینە بۆدچە لێ بری.
ئێک جادا عیراقی ل دژی گەندەلکارانە و دڤێن فشارێ لسەر هەرحکۆمەتەکێ بکەن دەست بۆ چاکسیازیان پاڤێت وئێک ژوان چاکسیازیان کەرتێ پەترولێ یە و دڤی کەرتیدائەو لگەل هندێ نینن بێی هەرێم پەترولاخۆ و داهاتی ڕادەست بکەت بەغدا بۆدجێ بو بهنێریت.
یادووێ هێزێن عیراقینە ب شیعەوسنەیێن خۆڤە ،ل دژی هندێ نە سەروک وەزیران داخازیێن کوردا جێبەجێبکەت ژ دەرڤەی رێکارێن دستۆری وب جێبەجێکرنا دستۆری ژی هەرێم دمەترسیێدایە.
سێ ئەگەر پرس ئەوبیت کی پشتەڤانیا کازمی دکەت، ئەڤێ ژمن وەرگرن عادل عەبدولمەهدی پێش کازمیڤە پالەوان بو وهەمی لپشتێ بوون.وێفەتر بدوستنیا جامێری نەخۆرن ئەکەر دێ سەرێ ویژی خۆن.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close