پەیبەڕ ..
دیاڕە ئەوا کو مە د دیروکا کوڕدستانێ دا خواندی و هاتیە ڤەگیڕان کو پتڕ ژ 25 شوڕەشێن چودا هەنە پێتڤیە هەڕ تاکەکێ کوڕد بزانیت و وانەیێن باش ژێ وەڕگڕیت و ڕاستی و ناڤەڕوک و ئەگەڕ و ئەنجامێن وانا بزانیت ، وهەڕ شوڕەشەکێ ب ئاوایەکێ تەندڕوست شیکاڕ بکەت وە پێویستە ژی ئەڤێن هەژی نە ناڤێن وا ب مینیت شوڕەش یێن نە هەژی ژی ناڤەکێ دی لێ بهێت داین داکو ژ وێ ڕێزبەندیێ دەڕکەفیت لگوڕ ڕەنگڤەدانا خوە .
دزانین کوڕد مللەتەک نەخویندەواڕ و دەستپێکی بو و زوڕ بێ ڕێکخستن و پێشکەفتن ژیایە هەڕ ژ دەستپێکا پەیدا بونا خێزانێ وەک ڕێکخستنا مڕوڤی، و تاگەهایە ئەڤرو بێ یاسا و ڕێسا بو تەنها هن عوڕفێن خێلەکێ دناڤ دابون ژبەڕڤێ دبنەکوکا شوڕەش و تەڤگەڕێن مە دا هێڤێنێ وێ زەهنیەتا خێلەکێ پێشەگی دکڕ .
باب و پاپیڕێت مە ژی ل سەڕوی ئەساسی سەڕ هڵدان وبونە سەڕبازێن جەپەڕێن وا لڤ و تەڤگەڕا بێ کو بزانن چ جوڕە شوڕەشە چ پڕوژە و ستڕاتیژەک هەیە ، ڕابەراتیەکا چەوایە ،و سنوڕ ێن وێ چنە و ئاڕمانچ پێ چیە یان نەتەوە چیە و کوڕدستانێ چ ئاڵا هەیە و چەند پاڕچەیە و بوچی پاڕچەیە و سەدەم چنە و بوچی بن دەستن؟!
تەنها دزانی بێژن حەڕەکا شەمزینا یان یا حەفید یان یاقازی یان یا سەید رەزایی .جوڕە پیڕوزیەک ددایێ تەنها کو کوڕدن و هندەک ژوان دکڕنە پیڕوز ی و فڕیشتەو ڕێباز ، ئەڤ بوچونە دخوڕت بون و د دەوڵەمەندیێ دابون تاگەهایە سالێن دوو هزاڕێ کو ل داویێ وەک کەڕنەڤاڵ و ڤیستەڤاڵ خەڵکەکێ ڕویێ ل مەزاڕ و مەڕقەدێن وان دکڕ ژ دەڕڤە و ناڤخو !!
لێ پشتی سالێن دوو هزاڕێ هێدی هێدی جیلەک ب ڕیا میدیا و سوسیال مەدیا ئازاد بتایبەت ل هەڕ چواڕ پاڕجا کەت قادا تێکوشانێ و بریا شڕوڤێن خوە یێن واقعی شیا شوڕەشەکا هزری دژی ڤێ نەڕیتی بدەن مەشانێ و دیاڕ تڕینێ وا تەڵەڤزیونا knn کو دایکا تی ڤیێن پڕوفەشناڵ و خودان تەکنیک و ستڕاتیژیەت بو کومەڵەک ڕوشنبیڕ لدوڕ خو کومکڕن شیا شوڕەشەکا زەهنی و میدیایی ل باشوڕ پەیداکەت ئەڵبەت پێش وێ ژی med tv ڕوڵەکێ بەڕجاڤ هەبو بو ڤێ ئاڕمانجێ ،
یا کو من پڤێت بێژم پەڕدە ل سەڕ زوڕ مەسەلێن سیاسی ئابوڕی چڤاکی و کوڵتوڕی ڕاکڕن و شوڕەشەکا هزری و نەتەوی بەڕ بەڵاڤکڕ ، ئێدی خەڵکنەکێ زانی کو ( ئەڤە خاپاندنە .. نەک خەباتە )
لەوما ڕویێ راستەقینەیێ کاڕیزمایێن مە دەڕکەت هولێ خەڵکانەکێ زانی کو پڕانیا وا کاڕیزما دزن و بازڕگانێن خاک و خوینا ڤێ خەڵکی نە لەوما وا گەڵەک دەستکەفتێن مادی ب دەست خستن وەکێ پاڕە پتڕوڵ گومڕک کومپانی و هوڵدینک ملیشیا و پاڕچە زەڤی و موڵ و ماڕکێت و کەناڵ و تەڵەکوم و ب دەهان ملیاڕێن دوڵاڕی قازانج کڕا ل سەڕ حسابا خوین و خوها ڤی خەڵکی لێ ل لایێ دی وا دیڕوکەکا نەفڕەتی بو هەتا هەتایێ توماڕکڕ کو دەڕبرینێ ژ ڕویێ خیانەتکاڕیا وابکەت و بکەڤن بەڕ خامە و ڕەخنەیێن ڕۆڵێن گەڵێ خوە کو هەتا دیڕوک هەیە دێ نه فڕەت باڕانکەت بویە باوەڕم ئەو دەستکەفت بهایێ وێ شەڕمزاریێ نە بون فەڕ بو ئەو هەمی پاڕێدزی خەڕچ کڕبا تەنها بومانا واپیڕوزیێ نەپیڕۆز و ڕویێ خوە ل هەمبەڕ چل ملیون کوڕدا ڕەش نەکڕبا ، چونکێ دڤێ جیهانا گوڵوباڵ و جیهانگیڕ دا جیهان مینا توپەکا شیشێ یە و شەفافیەتا وی وەک خێزانەکا بویک هەمی ئێک ناسدکەن ڕودانان ژ نێزیکڤە د بینن، بویە ل داویێ دبێژم وا گەڵەگ کومکڕ لێ دوو قات ژ دەست دا .
