نێرین

پێتڤی یە (ی.ن.ك) و هێز و لایەنێن دی یێن سیاسی چی پێنگاڤێ دڤێ قوناغێ دا پاڤێژێن ؟!

سەربارەت ئەڤان گۆرانكاریێن بەلەز د چارچوڤێ بارودۆخێن نها ل هەرێما كوردستانێ دا ، لسەر ئەرزێ واقع د هێتە ئەنجام دان لگور هەوڵ و بزاڤێن پارتی دیموكراتی كوردستان و ب چاڤ سوری ب تاكرەوانە و عقلیەتا عشائیری دور ژ بنەمالێن یاسایی كار لسەر تێكدانا یەكرێزی و تەبایێ دناڤ مالا كوردی و كوردستانی دا دكەت و نموونە ژی گەلەك و گەلەكن و ئەو شانوگەریا دكومبونا پەرلەمانێ كوردستانێ دا هاتیە نمایشكرن ل ناڤا پەرلەمانی و دكۆنگرێ رۆژنامەڤانیێ دا ژ لایێ جێگرێ سەرۆك پەرلەمان ڤە هاتیە برێڤەبرن و راگەهاندن و پێشلكرن بوو زۆر بەداخەوە هیچ بنەمایێن یاسایی و اخلاقی تێدا نەبوون و دور ژ پەیرۆ و پروگرامێ ناڤخۆیی یێ پەرلەمانی بوو ، ئەم دكارین بینینە زمان كو گودەتا و داگیركرن بوو د ئەڤان كاودانێن سەخت و دژوار دا و خۆ دزین بوو ژ مسؤلەیەتێ و هێزا تەحەمولا ئیدارەبوونێ دولەتداریێ و برێڤە برنا حكومەتێ و وەلاتی نینە و نكاریت كێشێن هەوەلاتیە و ئەڤان قێرانان و ئالۆزیان و مەترسیێن هەنێ چارەسەر بكەت و ئەینەتا چاكسازی و پاكسازیێ د ئەجندایێ كاروباریێن دەستهەلاتێ و حكومداریێ دا نینە و پەیروكر بكەت و ئەڤ یەكە ژی بۆ هەمیان روون و ئاشكرا بوو لێ مخابن ناكۆلكیێن ئالیێن سیاسی قولتر بوون و ئیدی ب هیچ رەنگەكی ئومێدا كیانێ سیاسی ل هەرێمێ نەما و ئومێدا پێكڤە خزمەتكردنێ و باشتر كرنە ژین و ژیانا خەلكێ ژی نەما لێ مخابن ئەڤ ناكۆلكیێن هەنێ كوردایەتی كرنە قۆربانیێن موزایدە و بازرگانیە سیاسی ل هەرێما كوردستانە عیراقا فیدرال دا ، خۆ زال كرن لسەر دەستهەلاتێ نەخشە ژی هاتە دان ژبۆ پاشەرۆژێ كو هیڤی و ئارامانج و خەون و خەیالێن ئەوان روون و زەلال بوون .

سەرباریێ پێشێلكاریكرنێ و كۆدەتا سیاسی و یاسایێ د ناڤ پەرلەمانی دا و هەروەسا شكاندنا كەرەمەت و سمعەتا پەرلەمانی و خەلكێ ب شەرەفمەندێ كوردستانێ بوو ژبەركو پەرلەمان و پەرلەمنتار دەنگ و هەست و سۆزیێن ئیرادا خەلك و جەماوەری نە و نموونە ژی گەلەكن ئەگەر هندەك ژ ئەوان نموونێن د مێژوویا ئەڤی پەرلەمانی دا بینینە زمان و بەرباس كرن و دیار كرن ئەڤا نها روودات دبیت ببیتە تشتەكی نورمال و نە هند ب زەحمەت بیت بۆ پارتی ئەو پەرلەمانێ هەنێ دەنگ و هەبوونا خەلكێ پەرلەمانە ، خەلك و جەماوەر بنیاتێ پەرلەمانی یە و ب ماندوبوونە هەمی تەخ و چینێن خەلكێ دورست بوویە هەروەسا شكاندنا شكو و بێ رێزگرتنێ یە ژ بنەمالێن سەربلندیێن شەهێدیێن رێكا رزگاری خوازا گەلێ مەیێ كورد و كوردستانی ل هەر چار پارچێن كوردستانێ ژبەركو ئەو پەرلەمانێ هەنێ ب هەوڵ و بزاڤێن سەرگرداتیە سیاسی یا هێز و لایەنێن كوردستانی بوو هەر ژ سەردەمێ خەبات

و شۆرەش و راپەرینا بهارا گەلێ مەیێ كوردستانی و قوربانیدان ژی نە راوەستیان د هەمی ویستگەهێن ژیانێ دا و هەمی قۆناغ ژی بێ بەهر نە دبوون ژ قۆربانیێن خەلكێ هەر ئەو پەرلەمانێ كوردستانێ بخوینا خەلكێ هاتیە ئاڤدان لێ مخابن ئیرادە وی پەرلەمانی هاتە بن پێ كرن و دەربارەی ئەڤا روودای هەر دیسان كۆمەلەكا نموونە ژی د مێژوویێ دا لپێ خۆ هێلاینە ئەو ژی دزڤریت بۆ سەردەمێ ئینانا دەبابێن رژێما بەعس یێن مەزنترین دكتاتور و خوین مژێ گەلێ كورد صدام حسین ل رۆژا ٣١ی ئاب ل سالا ١٩٩٦ و هەروەسا دناڤا ئەڤی پەرلەمانی دا ب كۆدەنگی بڕیاڕی سێدارەدان بۆ بەرێز هەڤاڵ كوسرەت رەسۆل علي دەرچوو و هەتا خۆلا سیێ ئەو بڕیاڕا سێدارەدانێ ما بوو و د خۆلا سیێ دا بڕیاڕا فەلاقە و حەسیر مەیدان بۆ پەرلەمنتارێ گۆڕان عبدولله مەلا نوری دا سێ پەراسویێت وی ژی شكاندن و ل خۆلا چارێ ژی ل دێگەلی دا رێ گرتن ل سەرۆكێ پەرلەمانێ كوردستانێ ل بەرێز دكتور یوسف محمد و ل خۆلا پێنجێ دا ب تاكرەوانە بڕیاڕا پارێزبەندیێ لسەر سوران عمر سەرۆكێ فراكسونا كۆمەلا ئیسلامی ژبەر رەخنە گرتنێ و دەنگێ ئازاد و ئاشكرا كرنا گەندەلیێ و دزیێ و تالانكرنا سەروەت و سامانێ حكومەتێ و خەلكێ د ئەڤێ قۆناغا سەخت و دژوار و پری كێشە و ئالۆزی و قێرانێن سیاسی و ئابووری و نە بوونا شەفافیەتێ دناڤا دەستهەلاتداریێ ل كوردستانێ .

كەلوو لڤێدەرێ جهێ پرسیارێ یە و پرسیار ژی د بێ عیبن و ژبەركو هندەك لایەنان عیبی بۆ كەسی نەهێلاینە ! دێ ئالیێن سیاسی و ب تایبەتی یەكێتی نشتیمانی كوردستان د ئەڤێ قۆناغا نوو دا و پاشی كۆمەلا ئیسلامی كو زەرمەندێ ئێكێ یە د ئەڤێ هاوكێشێ دا و هەروەسا هەمان مەترسیی لسەر بزاڤا گۆڕان ژی هەیە ل هەرێما كوردستانێ ئەڤێ یەكێ دێ قەبۆل كەن ، كەلوو ئەم هزر ناكەین كو ئەڤان ئالیێن سیاسی یێن نها بەرۆكێ خەلكێ و داخوازیێن هەمی تەخ و چینێن جوراوجور یێن كومەلگەهێ مە ل كوردستانێ كرتینەبەر ئەو ژی بەرامبەر هەلۆیست و كریار و سیناریویێن پارتی دیموكراتی كوردستان ئەو ژی سیناریوویەكێ نمایش بكەن ، كەلوو ئەگەر ئەم هزرا خۆ باش بكەین ئەڤ ئالیێن هەنێ ب سەرگرداتییە یەكێتی نشتیمانی كوردستان مەزنترین كارتا فشارێ بكاربینێت لسەر پارتی دیموكراتی كوردستان د ئەڤان كاودانێن نها سەخت و دژوار دا هەم دێ هێز و پلانێن پارتی ژی دیار و ئاشكرا بن و هەم دێ كلاسیكۆیێ تۆلڤەكرنێ بیت بەرامبەر پارتی داكو هیچ لایەنێ دی یێ سیاسی ژبۆ ڤەشارتن و پەردە پۆشكرنا دزی و گەندەلی و وێران كرنا مال و سامانێ حكومەتێ و خەلكێ و نكاریت جارەكا دی دئەڤێ قۆناغێ و قۆناغا بهێت دا و عینادا سیاسی نەكەت و بڤێ نەفس و ئایدەلۆژیێ ئەڤا نها ب شێوازێ شانوگەریا دهێتە ئەنجام دان و بدیتنا من باشترین كارتا فشارێ ئەڤ ئالیێن سیاسی رێكەفتنەكا پێش وەخت ئیمزا بكەن و ب تووند ترین شێوە ئەڤێ حكومەتێ
سزا بدن ب رێكا بانگێشكرنا سەرۆكێ حكومەتێ و كابینە وی ژبۆ وەرگرتنا باوەریێ و هەلوەشاندنا حكومەتێ ژبەركو تاری ترین و گەندەلترین حكومەتە و ئەڤ كابینە یە لەورا خەلكێ و هەوەلاتیێن و كەس و كاریێن شەهیدیێن سەر بلند پێشمەرگەهێن قەرەمان و كەم ئەندامێن سەنگەری و دلسۆزین ئاخ و وەلات و پارێزەریێن كورد و كوردستانێ گەلەك و پتر ژ هەمی جاران بێزاربوین

پیر هڤال باعەدری

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close