دەما نێزیکبوونا جەژنا ڕەمەزانێ دا بهایێ کیلۆیەکا گوشتێ مریشکێ د بازاڕێن هەرێمێ دا بۆ سەردایی سێ هزار دیناران بلندبوو و خودان زەڤیێن پەلەوەری ژی داخوازێ ژ حکومەتێ دکەن بهای دیار بکەت.
نازم عەبدولا جاف، جێگرێ سەرۆکێ کۆمەلەیا زەڤیێن پەلەوەری دەربارەی گرانبوونا بهایێ مریشکێ ڕاگەهاند، “جهێ مەندەهۆشیێیە ل دەف مە کو ب پیچەک بلندبوونا بهایێ مریشکێ هەموو ئالی دلگران دبن، لێ لسەر هەموو وان زەرەرێن ئەم دکەین هەر ژ گرانبوونا بهایێ عەلەفی، هێکا و تێچوونا پڕۆژەیان کەس ناهێتە دەنگ”.
د دەما دوو مەهێن کەرەنتینە و کۆرۆنایێ دا زێدەتری ٧ ملیار دیناران زەرەر ب مە گەهشتیە بۆ کەس بەحسا هەڤکاریکرنا ڤی کەرتی و ب نیشتیمانیکرنا ڤی کەرتی ناکەت کو ژیانا زێدەتر ژ ٧٠٠ هزار مالباتان لسەرە ل تەڤاهیا هەرێما کوردستانێ”.
هەر کیلۆیەکا مریشکێ لسەر خودان زەڤیێن پەلەوەری دوو هزار و ١٠٠ دینارە، هەموو دەمان ژ وی بهای ئەرزانتر هاتیە فرۆتن.
نها دناڤ زەڤیێن پەلەوەری دا بهایێ هەر کیلۆیەکا مریشکێ ب دوو هزار و ٥٥٠ دیناران دفرۆشن
