كوردستانینووچه‌

پارتایەتی کۆیلەبوون نینە


ڤالابوونا سازیێن حکۆمەتێ ژ پلانێن دیار وزەلال ژبۆ چارەسەرکرنا پرسێن هەنۆکەیێن وەلاتیان،بتایبەت ئەوا گرێدایی ب ژیانا وەلاتیان و ئێخستنەبەرا رێکارێن گۆنچای بۆ دەربازبوون ژ ڤێ قۆناغێ ، وەلاتیێن هەرێمێ ب هەمی تەخێن خۆڤە پاڵدان هەرئێک ب شێوەیەکی دەربرینێن خۆ بینیتە زمان لسەر گرانیا بارێ ژیانێ و نەبوونا دەلیڤێن کاری وژدەست دانا وان دەلیڤێن بەری هاتنا کۆرونا و گیربوون مەهانەیێن مۆچەخۆڕان ودەنگۆیێن چارەکادی پاشکەوتکرنا مەهانەیێن وی وزێدەباری دەردەسەریێن تەخەکا دنا جڤاکی کۆ دبنیات دا نەمۆچەیەک هەیە و نەدەلیڤێن کاری ماینە و دناڤبەرا چار دێۆارێن مالا خۆدا توشی دەهان ئالوزیان وگرێکێن دەروونی بوویە، تۆرێن جڤاکی وەک بەربەلاڤترین وبلەزنترین و ئەرزانترین ئامرازێ گەهاندنێ یابوویە گۆڕەپانەکا ڤەکری و دڤێ گۆڕەپانێدا زێدەباری ئالۆگۆرکرنا هزران تێتەکرن وڕەخنە و بەرنامە تێنەئازراندن ،دهەمان وەخت دا مینبەرەکە کۆ دەمەکیدا سازیێن حکۆمەتێ یاپێ چێ ببیت رێگریێ ل ئەنجامدانا کەمپینێن نەرازیبوونێ و خۆپێشاندانێن سڤیل دگریت ،کۆ جهێ ڤالابوونا تۆرەبوونێن زێدە دگریت و دوێ ڤالابوونێدا ئەگەر حکۆمەتەکا ڕەشید هەبیت دشێت لجهێ ئاستەنگا بودروست بکەت وڕێگرییاوانا بکەت دشیاندایە مفای ژوان دەربرینا بکەتن و ئەنجامدانا خۆپێشاندانا ڤالابوونا تۆرەبوونا گەلە ،کە دەبیت بزاننن ئەگەر دەستهەلات رێگریێ ل وێ ڤالابوونێ بگریت ،دویرنینە پاشان ئەو تۆرەبوون بزەڤلەکان بێتە پەقاندن و هنگی ژیۆار سیناریویێن پشتی رویدانا دیاردکەن و چ کەسەک هنگی نەشێت خۆل تۆڕەبوونا گەل بکەتە خۆدان.
خالاکا من دڤێت بێژم کۆ ناڤ ونیشانێن ڤێ گۆتارێنە، وەسا دبینم کۆ هندەک ئەوێن کۆ وەسا تێدگەهن یان وەسا تێگەهاندینە، کۆ ئەندامبوون دپارتیەکێ دا واتە خۆ ڕادەستکرنە بۆ بەرنامێ پارتیەکا دیار و ئەو پارتی چ بکەت و چ بێژیت و چ ڤێ هەبیت یان چ ڤێ نەبیت مادەم ئەندامێ وێ پارتی یە کەواتە ئەوە یادروست و بێی پرسیار و دروست بیت یان هەلە بیت دەبیت چەپلا بو لێ بدەت،وەسا خۆدیار دکەن کۆ ئەندامبوون واتە کۆرەبوون وکۆیلەبوونە و ویڤەتر مادەم ئەندامێ پارتیەکێ یە وئەو پارتی بەشەکە ژ دەستهەلاتێ کەواتە بوو وی ژی قەدەرە ودەبیت وەکی وێ مەیمینکا دەڤ وچاڤ و گۆهێت خۆگرتین و خۆ دچ تشتەکی نەگەهینیت، حکۆمەت ئەگەر یاڤالابیت ژپروژەیێن چێکرنێ وچاکسازیێ دەبیت بێدەنگ بیت ، ئەگەر حکۆمەت و رادەیەدارێن حکۆمەتێ تا حەفکێ دگەندەلیاندا دخەندقیبن دەبیت بێدەنگ بیت چۆنکی حزبا وی یە، ئەگەر دەستهەلات ژ دەستهەلاتا گەل یابەرف سیستمەکێ شۆڤینی خۆسەپاندنێ بچیت دەبیت ئەوژی بێدەنگ ببێت چۆنکی پارتیا وی ژی شریکە دحکۆمەتێدا.هەڤالینو یان ئەزێ شاشم یان هووین، بەری ئەم ئەندام بین دپارتیەکێدا ئەم کوردین و نشتیمانپەروەرین، ئەوپارتیا وەسا من بنیاسێت کۆ ئەندامبوونا من قفلکرنا مەژییێ من و کەلەمچەکرنا هەڵویستێن منە من ئەو پارتی نەڤێت،ئەگەر وەسا تێ دگەهیت کۆ لسەردەمێ حۆکمڕانیا مەنافعا حزبی بوون ئانکۆ کۆیلەبوونە،نەفرەت ل وێ حزباتیێ بن و من ئەو تانچ و ستێر تەڤێن یێن دڤێن دحزباتیێدا من بکەتە کۆیلە و من ل رێزا چەپلەقووتانا رێزبکەت،ئەز وەسا هزردکەم دەما ژانێن مللەتی دبینی وپرس و گازندەیێن نشتیمانی ونەتەوێ تێنەپێش ،هنگی دەبیت ڕەفتارامە یا کوردایەتیێ بیت ونەکۆ یاحزباتیێ و بەلکی دفەلسەفا رێکخراوێن سیاسێدا یەکێتی وململانێ (الوحدە والصراع) چەمکەکێ گرنگە و یێ دروست دڤی چەمکی گەهشتبیت دەبیت ڕەخنا ل پارتیا خۆبگریت وهەولبدەت پارتیا خۆ ڕاست بکەت نەک خۆبکەتە ئێخسریێ درویشمان ولجهێ مرۆفەک ئازاد بیت ببیتە کۆیلەیێ پارتیان.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close