بەشیر حەداد جێگرێ ئێكێ یێ سەرۆكێ جڤاتا نوونەرێن عیراقێ ڕاگەهاند، هێشتا بەغدا و هەولێر نەگەهشتینە هیچ ڕێككەفتنەكێ لسەر كێشەیێن دارایی
د داخۆیانیەكێدا بۆ ڕۆژناما (سەباح) بەشیر حەداد گوت: ئەم دچاڤەرێی گەرەكا نوو یا دانوستاندناینە دناڤبەرا حكومەتا نوویا عیراقێ و حكومەتا هەولێردا، كو درێژیێ بدەنە دانوستاندنێن پێشتر.
جێگرێ سەرۆكێ جڤاتا نوونەران دووپاتكر، دكۆمبوون و دانوستاندنێن بەری نوكادا، شاندێ حكومەتا هەرێمێ و هەڤكیفێ ویێ عیراقێ نەگەهشتینە هیچ ڕێككەفتنەكێ دەربارێ پرسێن هەلاویستی، و بتایبەتی كێشەیێن بودجە و خەرجكرنا مووچێ فەرمانبەرێن هەرێما كوردستانێ، و بەشیر حەداد دا زنانین كو ل 16 مەها نیسانا دەربازبووی و ب بڕیارا ئەمیندارییا گشتییا جڤاتا وەزیرێن عیراقێ، ڕەوانەكرنا مووچێ فەرمانبەرێن هەرێما كوردستانێ هاتییە ڕاگرتن