فراکسیۆنا پارتی دەربارێ بڕنا شەش ملیار یۆرۆیان بۆ دەرڤەی ھەرێمێ ڕاگەھاند، داخۆازێ ژ حکومەتا ھەرێما کوردستان و دۆزگەرێ گشتی دکەین بۆ ساخکرنا ڤی بابەتی ڕێکارێن پێدڤی بگرنەبەر.
فراکسیۆنا پارتی د پەرلەمانێ کوردستانێ دا ڕاگەھاندنەک بەلاڤکر و تێدا ھاتیە، ” دەمەکە بەحسا برنا دەرڤە یا شەش ملیار یۆیرۆیان دھێتە کرن ژ ئالیێ گۆمپانیەکێ ڤە بۆ بەنکەکا ئەوروپا، ئەم وەکە فراکسیۆنا پارتی داخۆازێ ژ حکومەتا ھەرێمێ و دۆزگەرێ گشتی دکەین بۆ ساخکرنا ڤی بابەتی رێکارێن پێدڤی بگرنەبەر”.
ئەو یەک ژی ھاتیە، ” ھەر ئالیەکێ لسەر ڤی بابەتی بەلگە ھەیە ، بەلگێن خۆ پێشکەشی ئالیێن پەیوەندیدار بکەت و بەرچاڤ زەلالی ب خەلکێ کوردستانێ بھێتە دان، ژ بۆ کو زەلال بیت ئەڤ بابەتە راستە یان ژی نە ، ژبەر کو ئەڤا کو ھەیە تا نھا تنێ گۆتنە و پشتەڤانیا گاڤێن ب کریار د ڤی بابەتی دا دکەین”.
ئاماژە کریە ژی، ” ھەر ل ڤێرە پشتراستیێ ددەین ب خەلکێ کوردستانێ ، بەرناما کارنامەییا پارتیا مە و گاڤێن حکومەتا ھەرێمێ ژ پێخەمەت چاکسازی و شەفافیەت و راستیێ ، چ جۆرە سازشەکێ لسەر مەبدەئێن خۆ ناکەین و دێ دگەل خەلکی راستگۆ بین و نوونەراتیا خۆاستێن وان کەین”.
