ھاتن و چوونا دھۆکێ ڕاگەھاند، د ۲٤ دەمژمێرێن دەربازبوویی دا ل سنورێ پاڕێزگەھا دھۆکێ چار بوویەرێن ھاتن و چوونێ روودانە و ب وێ سەدەمێ کەسەکێ ژیانا خۆ ژدەستدایە سێ کەسێن دی ژی برینداربوونە.
ئازاد تاھا پەیڤدارێ ھاتن و چوونا دھۆکێ ڕاگەھاند، ل سنورێ پاڕێزگەھا دھۆکێ د ۲٤ دەمژمێرێن دەربازبوویی دا چار بوویەرێن ھاتن و چوونێ روودانە، ب وێ سەدەمێ ژی کچەکا تەمەن ١٦ سال ل ناڤەندا باژاڕێ دهۆکێ ژیانا خۆ ژدەستدایە و سێ کەسێن دی ژی ل قەزا زاخۆ برینداربوونە.
ئەو یەک ژی دایە زانین، بوویەر ژ جوورێن لێکدان و لێدان و وەرگەریان بووینە.
بوویەرێن هاتن و چوونێ ب یەکەم سەدەما جان ژ دەستدانێ د هەرێما کوردستانێ دا دهێتە دانان و لگۆری ئامارێن هاتن و چوونا هەرێمێ، د سالا ٢٠١٩ێ دا ٤ هزار و ٤٧٩ بوویەرێن هاتن و چوونێ ل هەرێمێ ڕوودانە، ب وێ سەدەمێ ژی ٥٧٥ کەسان ژیانا خۆ ژ دەستدانە.
