كوردستانینووچه‌

دیندار زێباری: خۆنیشاندەرێن دهۆکێ مۆلەت نەبوو و رەفتارێن کرێت ئەنجامدانە

ڕێکخەرێ ڕاسپاردێن ناڤدەولەتی د حکومەتا هەرێمێ دا ڕاگەهاند، خۆنیشاندەرێن دهۆکێ ژبەر بنپێکاریا فەرمان و ڕێنمایێن تایبەت ب رێکارێن کۆرۆنایێ هاتنە دەستەسەر کرن و مۆلەتا ئالیێن ئیداری و ئەولەهیێ نەبوویە و رەفتارێن کرێت ئەنجامدانە و بەر گرتنە پۆلیسان.

دیندار زێباری ڕێکخەرێ راسپاردێن ناڤدەولەتی یێ حکومەتا هەرێما کوردستانێ ڕاگەهاند، خۆنیشاندانا ڕۆژا ۱٦ێ ڤێ مەهێ یا ماموستایان و فەرمانبەرێن دهۆکێ ، بێ مولەت بوو ، داخوازکزنا مولەتا خۆنیشاندانا چەند کەسان هاتیە ڕەتکرن، ژبەر کو لگۆر ڕێنمایێن وەزارەتا ساخلەمیێێ نابیت چ خرڤەبوون بهێنە ئەنجامدان ، ژبەر مەترسیا کۆرۆنایێ.

دبێژیت ژی، خۆنیشاندەران وەک تەحەدایەک مکووربون لسەر ئەنجامدانا وێ خۆنیشاندانێ بێ گۆهدانا مەترسیان خرڤەبوونە ژبەر وێ یەکێ دەزگەهێن ئەولەهیێ نەچاربوون لگۆر ماددەیا ٢٤٠ یا یاسایا سزادانا عێراقی مامەلێ دگەل بکەن و کارێ وان بنپێکاریە نەک تاوانە ، لگۆر وێ ماددەیێ هەر کەسەکێ بنپێکاریا فەرمان و ڕێنمایێن ئالیێن پەیوەندیدار بکەت دێ هێتە دەستە سەر کرن.

ب گۆتنا دیندار زێباری ڕێژەیا ۱۰ سەدێ یا خۆنیشاندانا ماموستا نەبوون و خواستنە خۆنیشاندانێ بۆ عاقارەکێ دی ببەن .

دبێژیت ژی، خۆنیشاندەران رەفتارێن کرێت ئەنجامدانە و بەر گرتنە پۆلیسان و کارڤەدانا خراپ هەبوویە .

هەروەسا گۆتیە ژی، سێ ڕۆژنامەڤان د دەما خۆنیشاندانێ دا بەرهەڤبوونە ، لێ مەرەم پێ رۆمالکرنا روومالان نەبوو ، بەلی بەشداری خۆنیشاندانان بوونە ۆ خەلک پالدانە بۆ خۆنیشاندانێ ، پشتی دەستەسەر کرنێ چ ناسنامەکا رۆژنامەڤانی نەبوونە ، لێ د دەما ڤەکۆلیێ دا تەنێ یەک رۆژنامەڤانی خۆ ناساندیە ۆ راستەۆخویا ئازاد هاتیە کرن.

پتر به‌رچاڤ بكه‌
زر الذهاب إلى الأعلى
إغلاق