ساخله‌می

سه‌رۆكێ ئه‌مریكا: هه‌كه‌ رێكخراوا ساخله‌میا جیهانی پێگیری چاكسازیێ نه‌بیت‌ دێ هاریكاریێن دارایی ژی برین

سه‌رۆكێ ئه‌مریكا گه‌فان ل رێكخراوا ساخله‌میا جیهانێ دكه‌ت، هه‌كه‌ ل ده‌مێ هه‌یڤه‌كێ چاكسازیێن مه‌زن نه‌كه‌ن دێ پشته‌ڤانیا دارایی ئه‌وا ژ لاییٍ ئه‌مریكا ڤه‌ دهێته‌دان هێته‌ برین.

دونالد تره‌مپ سه‌رۆكێ ئه‌مریكا ل هژمارا خۆیا توویته‌ری، ئه‌و نفیسار بلاڤكریه‌ یا بۆ تیدروس ئه‌هانوم رێڤه‌به‌رێ گشتی یێ رێكخراوا ساخله‌میا جیهانی هاتیه‌ فرێكرن كۆ تێدا هاتیه‌، دڤێت رێكخراوا ساخله‌میا جیهانێ پێگیر بیت ب ئه‌نجامدانا چاكسازیێن مه‌زن ل ده‌مێ 30 رۆژان دا.

سه‌رۆكێ ئه‌مریكا ئه‌و گه‌ف ژی ل رێكخراوا ساخله‌میێ كرینه‌ هه‌كه‌ پێگیر نه‌بیت  ئه‌ڤه‌ دێ هاریكاریێن دارایی و لوجستی یێن ئه‌مریكا بۆ رێكخراوێ هێنه‌ كێمكرن و چاڤه‌كی ب ئه‌ندامه‌تیا ئه‌مریكا د وێ رێكخراوێ دا هێته‌ خشاندن.

ئه‌ڤه‌ دده‌مه‌كی دایه‌ كۆ ل ناڤه‌راستا هه‌یڤا نیسانا بوری ئه‌مریكا ب شێوه‌یه‌كێ ده‌مكی هاریكاریێن بۆ رێكخراوا ناڤبری راوه‌ستاندبوون ب بهانه‌یا وێ چه‌ندێ كۆ لایه‌نگیریا چینێ كریه‌ و چاڤ پووشی ل كێم ته‌رخه‌میێن وی وه‌لاتی كریه‌ ب به‌لاڤبوونا ڤایرۆسێ كوڤید19 ل جیهانێ.

پتر به‌رچاڤ بكه‌
زر الذهاب إلى الأعلى
إغلاق