وەزارەتا پەروەردێ یا حكومەتا عیراقێ دویماهی ب پۆلێن نەدویماهیێ یێن هەردوو قوناغێن دەستپێكی و دواناوەندی ئینا.
وەزارەتا پەروەردێ یا حكومەتا فیدرال راگەهاند: جڤاتا وەزارەتێ كۆمبوونەك ب سەرۆكاتییا عەلی حەمید نایف وەزیرێ پەروەردێ گرێدایە و بڕیار هاتییە دان دویماهی ب ڤێ سالا خواندنێ بۆ پۆلێن نەدویماهیێ بهێتە دان.
ئەڤرۆ وێ وەزارەتێ د بەیانەكا خۆ دا راگەهاند: نمرەیێن نیڤا ئێكێ یا ڤێ سالا خواندنێ دێ پشت پێ هێتە بەستن وەك دەچوون بۆ پۆلێن نەدویماهیێ یێن هەردوو قووناغێن ناڤهاتی و خویندكاریًَن سەرنەكەڤتی ژی دێً ماف هەبیت خولا دووێ تاقیكرنان د وان ماددان دا بكەن یێن تێدا سەرنەكەڤتین.
هەر ل دویڤ وێ بەیانێ، قستێن سالا خواندنێ ل خواندنگەهێن ل ناڤ و ل دەرڤەی عیراقێ ب رێژا 10% ێ دێ هێنە كێم كرن.
