ئەڤرو سێ سال دەرباسبوون لسەر خاترخاستنا ئێكجاری یا كەسایەتیێ سیاسیێ ناڤدارێ هەرێما كوردستانێ ,رەنگە سەهوەنەبم ئەگەر بێژم ئێك ژوان كەسایەتیێن ددیروكا دەڤەرێدا خودان ناڤ و ستاتویەكا باش ,نەوشێروان ژبلی كارێ سیاسی نڤیسەر و روژنامەڤانەكێ ب سەلیقە و دوارێ ئەدەبیاتیێ دا ژی خودان دەستەكێ زێرینبوو.
لێ (كاریزما )نەبوو , كاریزما لایقیێ كەسایەتیەكێیە ببیتە فریادرەسێ چڤاكەكێ د تەقنێرا ئاسێمای ئازاد بكەت , كاریزمابوون و سیمبولیەتێ روكنێك خوەیێن تایبەت هەنە ,غاندی بو هندیا و ماندێلا بو هەژار و رەش پێستا ل ئەفریقا سیمبۆڵ و كراریزمانە ,لێ ئەڤا لدەفمە ئامادە “نیكروفیلەت”ە
پشتی ژدایكبوونا بزاڤا گوران و سەرهەلدانا ئوپوزسیونەكا مجد ب لیدەریا بابێ (هەژاران )ئومێد و گەشبینیەكا باش لدەف خەلكێ نەرازی پەیدابوو,پتر ناڤ ناڤبری كەفتە سەر زمانا,لێ پشتی وەغەركری و پەردە لسەر هندەك نهێنیا هاتیە راكرن دیاربوو نەوشێروان هەمان بابێ كلاسیكێ سیاسییە.
ئەگەر بزمانێ فەلسەفەیا مەسیحی و ئوگەستینیوس وەكو دێریدای راڤەكری “ژ بزاڤا گوران درەوینترن نەبوون ,چونكی دزانی گەندەلی چیە و چەوایە لێ پاشخست بو مەرەما خوەیا كەسوكی”
پلاتوی بەری 3 هزار سالا و رێبەر ئوجەلان دنوكەدا دبێژن “هەر كەسەكێ خەباتا برێڤەربرنا خەلكەكی بسیویێ خوەڤە بگریت نابیت زاروك و خێزان /هەڤژین هەبیت” ئەڤە چەمكەكێ فەلسەفی یێ كویرە ,زورجارا هاتیە دیفاكتوكرن د ژیواریدا ب درێژاهیا دیروكێ هەلبەت سەركەفتن بدەست خستیە.
ئەوا دزهنیەتا مروڤی دابیت دزمان یا دكردارا مروڤی دا خوە مانیفێست دكەت ,
نەوشێروان بانگەشەیا گوهرینا سیستەمێ ویراسی و بنەمالەیێ دكر ,لێ د تاقیكرنێ دا بسەرنەكەفت ,مینا هەمی بابكێن سیاسیێن ڤێدەڤەرێ ملك و مالێ بزاڤا گوران ب گڕك و كومپانیڤە ئێخستتینە سەرناڤێ كورێن خوە.
……
نیكروفیلی : واتە زێندی كوژێ مری پەرێس , ئەو كەسێ گرنگیێ ب مری یا ددەن پتر ژ زیندیا.
