د هەیاما چەند روژێن دەربازبوی دا وەزارەتا نافخویا حکومەتا هەرێمێ راگەهاند، ژبەر ڤایروسێ کۆرۆنایێ، بو هەیاما ۷۲ دەمژمێران ب تەڤایی هەرێمێ قەدەغەیا هاتن و چونێ یە کو ئەڤ قەدەغە دکەڤنە هەرسێ روژێن جەژنێ، ژبوی ڤێ چەندێ ژی ب سەدان کەسان ل پارێزگەها دهوکێ ب رێیا تورێن جڤاکی، نەرازیبون ئیناینە زمان و خویا دکەن ئەڤا حکومەت دکەت یاری کرنە ب هەستێن خەلکی، دیسان بەشەکێ دی ژی د بێژن ئەڤ قەدەغەیە خودزینە ژ بەرپرساتیێ، دیسان هەنە ژی ب ئاوایەک کومێدی تەماشەی ڤێ بریارێ دکەن و د بێژن، کۆرۆنا مەها رەمەزانێ ی د خەو بو ، حکومەتێ پێزانین ل سەر هەنە هەرسێ روژێن جەژنێ دێ ژ خەو رابیت.
