نووچه‌

جێگرێ سەرۆکێ پەرلەمانێ عێراقێ سۆزێن کازمی ب هەرێمێ داین ئاشکرا دکەت

بەشیر حەداد ئەو سۆزێن کو کازمی ب هەریمێ داین ئاشکرا کرن و دبێژیت، کازمی سۆزدایە ب چارەسەرکرنا هەموو ئاریشەیێن ناڤبەرا هەرێمێ و بەغدا، د ناڤ وان دا ژی پارەیێ مووچەخۆرێن هەرێمێ.

ئەڤرۆ چارشەمبیێ بەشیر حەداد جێگرێ سەرۆکێ پەرلەمانێ عێراقێ د زەلالکرنەکا ڕۆژنامەڤانی دا ڕاگەهاند، “ڤان نێزیکان دێ شاندەکا هەرێمێ ڤەگەریتەڤە بەغدا ب مەرەما تەمامکرنا گۆتۆبێژان و بەحسکرنا وان دەرئەنجامێن کو لیژنەیێن ناڤبەرا وان دا گەهشتینێ”.

بەحسا وێ یەکێ ژی کر، “کازمی سۆزدایە ب چارەسەرکرنا تەڤاهیا ئاریشەیێن ناڤبەرا هەرێمێ و بەغدا، د ناڤ وان دا ژی مووچەیێ مووچەخۆرێن هەرێمێ”.

ئەو یەک ژی گوت، “ئەم ب هیڤینە کو بەریا جەژنا ڕەمەزانێ کازمی پارەیێ مووچەخۆرێن هەرێمێ بشینیت”.

ئەڤە ژی دەمەکێ دایە، هەر ئەڤرۆ ئەندامەکێ شاندا دانوستانکارا هەرێمێ ڕاگەهاند، مستەفا کازمی سەرۆک وەزیرێ عێراقێ بڕیاردایە کۆژمێ ٤٠٠ ملیار دیناران وەک پارەیێ مووچەیێ مەها نیسانێ بۆ هەرێمێ بشینیت.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close