نێرین

پارتێن باشوڕ ئێک قوماش تەنها ڕەنگ جودانە

      پەیبەڕێ ئەڕتیسی ..

پاڕت و ڵایەنێن باشوڕێ ب دیڕوک و ئەڤڕو و سوبە ڤە د وێ باوەڕیێ دامە هەمان قوماشن و لێکجونەکا کوپیکڕی و لاسایکەڕن ودانەبڕی نە ب هەمی عوڕف و کوڵتوڕ و کەتواڕێ خوە ڤە ،
هەمی ماڵباتی نە ، هەمی جەتێن دەڕەکی نە ، هەمی گەندەڵن ، هەمیا ئاڕمانجێن پاڕتایەتێ مەستڕ و پیڕوزتڕ یێن دیتین ژ نەتەوی ، هەمی د بێ ستڕاتیژن ،هەمی د ڤاڵانە ژ هەستا نەتەوی ، هەمی بەڕ پڕسن ژ ئاسایشا نەتەوی ،هەمی ژی بەڕپرسن هەمبەڕی بێ دادیێ ، هەمی ژی ب دڕویشمێن دڕەو عاتیفا خەڵکێ خو بخو ڕادکێشن ، دیڕوکا هەمیا ژ نەزانینێ یا دەست پێ کڕی و ب نەزانا یا دایە مەشان، هەمی ژی خوە پەرستن ، هەمی ژی بەڕپرسن ل هەمبەڕ هەر هەبونەکێ و کاودانەکێ ،هەمی ژی سەڕخوشن لێ جوداهیا سەڕخوشیێ ئەوە هندەک معتادن ب کوکاین و هێڕوینێ ، هندەک ب مەشڕوبی هندەک ب حەبو دەڕزیا هندەک بو بحەشتێ و حوڕیا ، هندەک ژی ب ملیاڕا دوڵاڕا ، هندەک ب گازێ و غازێ، هندەک ژی بو کەس وماڵبات و کەڤنە شوپا ، هندەک پاڕتا ژی دەما تە دەڕگە ڤەکڕ ب نیەتا ئەندامبونێ پێتڤیە ئەخڵاقی ژ دەڕڤە بهێلیت، جودا ژ هندەکێن دێ د وێ باوەڕێ دانە کو دەولەت ب دعا دڕست دبیت ، و هەڕوەسا هندەکێن دێ د باوەشا کومونیستیێ دا د خەون .
ئانکو بکوڕتی هەمی پاڕت و پێکاتا کێشا ئاڤێ یان کاڕەبێ پێ نە هاتە جاڕە سەڕ کڕن ؟.
ئانکو ئەگەڕ پاڕتەکا بێ تاوان ژی بیت یا بویە هەڤاڵبەندا تاوانباڕا ، و شەڕعیەتا دایە نەشەڕعیەتێ !.
ژبەڕکو ڤان ڵایەنا تجاوزا هەمی هەبون وپیڕوزیا کڕیە وهەمی هەبونەک و پێکهاتەکا ڤی وەڵاتی بو بەڕژەوەندا حزبی بکاڕ ئینایە ئەڤجاڕ چ خاک چ خەڵک چ لەشکەڕ چ یاسا چ داهات چ ملک و ئەمڵاک و باچ و خەڕاچ پەڕوەدە و ساخڵەمی و هەڕ چ ئابوڕ ێ هەی بوخو بکاڕ ئینا دویڕ ژ بەڕژەوەندا نەتەوی و نشتمانی ئانکو هەمی هەبونەک ل ڤی وەڵاتی بو دەوڵەمەندیا کەس و پاڕتان هاتیە چاڕجوڤە کڕن ، تا وەڵێ هاتی کو تاکە کەس ژ حکومەتێ ودامزڕاوێن وێ دەوڵەمەنتڕ بن ، ئایا تو د وێ باوەڕیێ دایی کێش و ئەڕک و ماف ب ڤا بهێنە چاڕەسەڕ کڕن ؟
بێ گومان دگەڵ نەخێڕم ژبەڕکو ئەڤ نەهامەتیە هەمی ب زانابون و بخوندن وپیڵان داڕشتن چێبونە و باوەڕم ئەو پیڵانێن ژبوی گەندەلیێ و پاشڤەمانێ هاتیە بکاڕ ئینان ئەگەڕ بو ئاڤەدانیێ و مکوم کڕنا ستونێن نەتەوی و نشتیمانی بان دا نوکە نەک دەوڵەتەک بەڵکۆ بحەشتەکا جوان و پێشکەفتی و بهێز مە هەبیت ل سەڕ ئاستێ ئاسیا و ئەڤ خەڵکێ خێڕ ژ خوە نەدیتی دانوکە د کناڕێ ئاڕامی و خوشبەختیێ دا ژیت.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close