سەرۆکێ حکومەتا هەرێما کوردستانێ پەیامەک بەڵاڤکر و تێدا ڕاگەهاند، هەرێما کوردستانێ 27 ملیار دولارا قەردارە، و کابینێن پێشی نوکە ب ئالۆزبوونا ڕەوشا دارایی و ئابووری یا هەرێمێ خەتابارکرن.
دپەیاما خۆدا سەرۆکێ حکومەتا هەرێمێ گوت: بەشەکێ زۆرێ ڤێ ڕەوشا ئابووییا سەخت، ئەنجامێ سیاسەتا شاشا پشت بەستنێ یە ب داهاتێ نەجهگیرێ نەفتێ، و دازانین کو هەرێما کوردستانێ ب 27 ملیار دولارا قەردارە، و ئەگەر ژی دابەشکرنا نە دورستا بودجێ هەرێمێ یە، و کابینێن پێشتر یێن حکومەتێ ب وێ چەندێ خەتابارکرن.
مەسرور بارزانی دپەیاما خۆدا بەحسێ پڕۆژێ چاکسازیان کر و گوت: بێگومان د جێبەجێکرنا چاکسازیێدا، بەرژەوەندیێن خەلکەکێ گەندەل و سەرپێچکار دێ کەڤنە دمەترسیێدا، لەوڕا بەربەستا بۆ ڤێ هەوڵێ دورست دکەن و ئێفلیچ دکەن.
وەکو دانپێکرنەکا نە ڕاستەوخۆ ب شکەستنێن حکومەتێ، مەسرور بارزانی دپەیاما خۆدا گوت: نابیت وەڵاتییان ئاڤ و کارەبا نەبیت، قوتابخانێن باش نەبن، نەخۆشخانە نەبن، رێکوبان نەبن، بگشتی کێشەیێن نەبوونا خزمەتگوزاریێن سەرەکی هەبن، هەڵبەت ئەڤە ددەمەکیدانە کۆ “مووچەخۆر مووچێ خۆ ژی وەرناگرن”.
پاشان سەرۆکێ حکومەتێ دازانین کۆ نابیت 80% ژ بودجێ هەرێمێ بۆ 20% یا مووچەخۆران بیت، و ڕاگەهاند، حوکمڕانی نە بتنێ دابەشکرنا مووچەیە، لەوڕا پێدڤییە هەموو پێکڤە ب وەڵاتی و حکومەت و لایەنێن سیاسی ڤە، بڕیارەکا ئێکلاکەر بدەن، ب جورەکی ئەگەر د ڕەوشەکا ئابوورییا باش ژی دابین، نابیت سەرجەم شیانێن مە یێن ئابووری بۆ خەرجکرنا مووچەی بهێنە تەرخانکرن.
ئەڤ گوتنا مەسرور بارزانی وەسا دهێتە شڕۆڤەکرن، کو پێشبینی دهێتەکرن حکومەت مووچێ فەرمانبەران ببڕیت
