ئەوقافا دهۆکێ ڕاگەهاند، سوبەهی لدیف ڕێنمایێن ساخلەمیێ دێ نڤێژا جەژنێ ل هەموو مزگەفتێن سنورێ پارێزگەها دهۆکێ هێتە کرن.
حەجی شڤان بەرپرسێ ڕاگەهاندنا ئەوقافا دهۆکێ راگەهاند، سوبەهی دێ نڤێژا جەژنا ڕەمەزانێ ل هەموو مزگەفتێن سنورێ پارێزگەها دهۆکێ هێتەکرن، گوتارا جەژنێ ژی دێ هێتە خواندن، لێ لدیف رێنمایێن ساخلەمیێ.
دازانین ژى، پێدڤیە نڤێژکەر ل مال دەستنڤێژێ بشۆت و ب دەستگورک (دەستکێش) و کەمامان سەرەدانا مزگەفتێ بکەت و د ناڤبەرا هەر نڤێژکەرکێ دا ژ میترەکێ کێمتر نەبیت.
ئەڤە ژی دەمەکێ دایە، کو وەزارەتا ناڤخۆیا حکومەتا هەرێمێ بڕیاردایە ب قەدەغەیا هاتن و چوونا تەمام د ڕۆژێن جەژنێ دا.
