ساخلەمیا هەرێمێ ڕاگەهاند، ١٠ حالەتێن نوویێن توشبوون ب کۆرۆنایێ ل سلێمانیێ هاتنە تۆمارکرن، کو حەفت ژ وان بەرکەفتیێن توشبوویێن بەرێنە.
ئەڤرۆ یەکشەمبیێ وەزارەتا ساخلەمیا ھەرێمێ ڕاگەھاند، “د بەردەوامیا پشکنین و گەریان لدیف گۆمانلێکریان، ١٠ توشبوویێن دیێن کۆرۆنایا نوو COVID-19 ل پارێزگەها سلێمانیێ ھاتنە دەستنیشانکرن، کو چار ژنێن تەمەن ٦٣، ٥٧، ٤٢ و ٣٧ سالن و هەڤدەم، شەش زەلامن د تەمەنێن ٦٧، ٦٠، ٤٧، ٣٢، ٢٩ و ٢٦ سالیێ دا”.
دیارکر ژی، “حەفت ژ توشبوویان بەرکەفتیێن تووشبوویێن بەرێنە، دوو ژ توشبوویان ژی نیشانە هەنە، ئەڤ نەهـ توشبوویە ئاکنجیێن ناڤ باژاڕێ سلێمانیێ نە، هەروەسا توشبوویێ دی ئاکنجیێ ناحیەیا حاجیاوایە”.
لگۆری داویی ئاماران، هەیا نها ٤٩٦ کەس هەرێمێ دا توشی ڤایرۆسێ کۆرۆنایێ بوونە، ژ وێ هەژمارێ ژی ٤٠٣ کەس چێبووینەڤە، هەڤدەم پێنج کەسان ژی ژیانا خۆ ژدەستدانە.
