ل ناحیەیا کەلەک یا گرێدایی قەزا بەردەڕەش، ل دەما گرتنا ماسیان شەڕ د ناڤبەرا چەند کەسان دا پایدابوو، د ئەنجامێ دا کەسەک ھاتە کوشتن و سێیێن دی ژی برینداربوون.
درەنگیا شەڤا دەربازبوویی ل ناحیەیا کەلەک یا گرێدایی قەزا بەردەڕەش، شەڕە دەڤ د ناڤبەرا چەند کەسان دا دروستبوویە کو مژیلی ماسیگرتنێ بوونە، دیڤدا شەڕ ب چەکی ڕوودایە و د ئەنجامێ دا کەسەک ھاتیە کوشتن و سێیێن دی ژی برینداربوونە.
پشتی بوویەرێ پۆلیس گەھشتنە جھێ بوویەرێ و دەست ب ڤەکۆلینێ کرنە، ھند کەس ژی ھاتنە دەستەسەرکرن.
ئەڤە ژی دەمەکێ دایە، نھا ھەرێما کوردستانێ د دەما قەدەغەیا ڕاڤا ماسیان دا دەربازدبیت، کو ل ١٥ێ ئادارێ ھەیا ١٤ێ ھەزیرانا داھاتی بۆ دەما سێ مەھان ھاتیە ڕاگەھاندن.
