نێرین

دوو وەرزێن بازارکرنێ قوربانی ڤایروسەکی کرن !

ل جیهانێ هەمیێ دەمێ کریزەک یان پەتایەکا جیهانی چێدبیت چەندین رێکار و پلان دهێنە دانان ژبو دەرباز کرنا وێ قوناعێ . د دەستپێکا ئیسال دا ژی ژبەر دەرکەتنا پەتایەکا جیهانی ( ڤایروسێ کورونا 19 ) ل هەمی وەلاتان رێکارێن توند گرتنە بەر بۆ کونترول کرنا ڤی ڤایروسی و پاراستنا ساخەلەمیا خەلکێ خوە ب شێوەکی رێکار دگرتنە بەر و بریار دەردکرن کو قەرەبویا زیانلێکەفتیا ژی بکەن و یێن بێکار دمان کوژمەکی پارەی بۆ دهاتە خەرجکرن و یێن بازارێن وان نەمای ژبەر گرتنا بازاران بۆ دهاتە قەرەبوکرن و هەروەسا خەلک دڤێ رەوشا تەنگ دا دهاتە لێبورین ژ باج و پارێ کارەبا و خزمەتگوزاریان. ژبلی وەلاتێن بیانی کو ئەڤ چەندە دگەل هەڤوەلاتیێن خوە کریە عێراقێ ژی چەندین هاریکاری و کوژمێن پارەی سەر خەلکی خوە دابەشکرن . ئەگەر ئەم بەحسێ هەرێما کوردستانێ ژی بکەین کو هەر ل دەستپێکا پەیدابونا ڤێ پەتایێ رێکارێن توند گرتنە بەر بۆ پاراستنا ژیان و ساخەلەمیا خەلکێ خوە لێ بێی قەرەبوکرنا زیانلێکەفتیان د دەمەکی بازار گرتی مان ل هەروو وەرزێن بازارکرنێ ل نەوروزێ و هەروەسا ب بریارا قەدەغەیا دەرکەفتنێ لروژانێن جەژنێ دا بۆ ئەگەر کو وەرزێ جەژنێ ژی بێتە سەر و بڤی شێوەی دوو وەرزێن بازرکرنێ گوری ڤایروسەکی کرن ! ئەڤەژی دەمەکێ دایە وەزیر و کاربەدەستێن حکومەتا هەرێمێ دیارکربوو کو ” مە بارەدوخێ ئابوری کرە قوربانی ژیان و تەندورستیا خەلکی ” راستە تەندروستی و ساخلەمیا خەلکی گرنگرە لێ ژوێ گرنگتر بژێوی و بارێ داراییێ خەلکی یە کو هزارەها خودان کار بێکار مان و هزارەها خودانێن بازار و دوکان بێی بازار مان هەم ژبەر گرتنا بازارێن وان هەم ژبەر قەدەغیا هاتن و چونێ ، بێی کو حکومەت قەرەبویا ڤان زیانلێکەفتیێن بریاریێن حکومەتێ بدەت ! هەروەسا حکومەت تا نووکە لێخوش نەبویە ژ پارێ کارەب و ئاڤ و خزمەتگوزاریان . ئەڤە ژی دەمەکی دایە لدیڤ لێدوانێن چەندین پسپورێن تەندوستی مەترسیا ڤێ پەتایێ ل کوردستانێ نینە و ئەو کەسێن گیانێ خوە ژی ژدەست دای ژبەر چەندین نەخوشیێن دی بویە نە بتنێ ڤایروسێ کورونا ئەگەر بویە. یا من ڤێت دیاربکەم ئەوە حکومەت دشیا ب رێکا وان هاریکاریێن بو هاتی چ ئەو هاریکاریێن ژلایێ رێکخراوا تەندورستیا جیهانی بۆ هاتی یان ئەو هاریکاریێن ماددی ئەوێن ژلایێ خێرخاز و سەرمایەدارا ڤە بو هاتی شیا ڤان کوژمێن پارەی و هاریکاریان ب شێوەکێ دادپەروەر دابەش بکەن سەر وان کەسێن ژبەر قەدەغا هاتنوچونێ زیان ڤێ کەفتی ئەڤجا چ خودان کار و کرێکار و بازرگان بن چ ژی موچەخور و فەرمانبەر بن کو بن ، و حکومەت دشیا لێخوشببیت ژ هەمی باج و پارێ کارەب و ئاڤ و خزمەتگوزاریان لێ ب مخابنی ڤە خوە ئێک ژڤان کارا نەکر ! کەواتە ئەڤ حکومەتە بتنێ بناڤ حکومەتە و هەر کریزەک و شەرەک و پەتایەکێ بو خوە بکارتینیت بۆ گوهنەدان ب داخازیێن خەلکی یێن رەوا

جوتیار عبدالعزیز

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close