شێوەرمەندێ ئاسایشا نیشتیمانیا کۆشکا سپی ، چینێ ب وێ یەکێ تۆمەتبار دکەت کو ب ڕێیا کۆرۆنایێ زەرەک زێدە ب ئابوریا ئەمریکایێ گەھاندیە ، پەکین ژی بەحسا وێ یەکێ دکەت ، واشنتۆن مە بەرەف شەرێ سارد دبەت.
میدیایێن ئەمریکا بەلاڤکرنە، رۆبێرت ئۆبرایان ، شێوەرمەندێ ئاسایشا نیشتیمانیا وی ولاتی ڕاگەھاندیە، ڤەشارتنا کۆرۆنایێ ژ ئالیێ چینێ ھەڤئاوایێ ڤەشارتنا لێکەفتێن تەقینا وێستگەھا ئەتۆمی یا چەرنۆبیل بوو ژ ئالیێ سۆڤیەتا جاران ڤە.
ئەو یەک ڕاگەھاندیە ژی ، چینێ زانیاریێن دەربارێ بەلاڤبوونا کۆرۆنایێ ل مەھا ۱۱ێ یا سسلا دەربازبوویی ژ ڕێکخراوێن ساخلەمیێ ڤەشارتینە.
بەحسکریە ژی، چینێ ڕێ دایە کو ڤایرۆس د جیھانێ دا بەلاڤ ببیت ، ژ بۆ کو ب وێ رێ ب دەھان ملیار دۆلاران زەرەرێ ب ئەمریکایێ بگەھینیت.
د ھەمبەر دا وەزیرێ دەرڤەیێ چینێ وۆنگ یی ، ڕاگەھاند، تەڤاھیا وان تۆھمەتێن ئەمریکا راست نین و ھند ھێزێن سیاسی ل ئەمریکا پەیوەندیێن ئەمریکا و پەکین ب بارمەتە گرتیە و وێ پەیوەندی بەرەف شەرێ سار دبەن.
