ساخلەمیا ئاکرێ ڕاگەھاند، ل قەزا ئاکرێ ٥٤۰ نمونێن پشکنینانێن کۆرۆنایێ ھاتنە وەرگرتن و ٨۹ کەس ژی ھاتینە کەرەنتینکرن.
سەباح زوھێر بەرپرسێ ڕاگەھاندنا ساخلەمیا ئاکرێ ڕاگەاند، پشتی کو ل ئاکرێ شەش حالەتێن توشبوون ب کۆرۆنایێ ھاتینە تومارکرن ساخلەمیا یٔاکرێ رێکارێن دژوار کاریٔینان و دەست ب پشکنین وکەرەنتینکرنا ھاولاتیان کریە و ٥٤۰ نمونێن پشکنینانێن کۆرۆنایێ ھاتنە وەرگرتن و ٨۹ کەس ژی ھاتینە کەرەنتینکرن.
ئەو یەک ژی دایە دیارکرن، ھەیا نھا تنێ شەش حالەتێن توشبوون ب کۆرۆنایێ ھەبوونە.
دەربارێ ئامارا سێ ڕۆژێن جەژن ژی ڕاگەھاند، ٦٥۰ نەخۆشان سەردانا نەخۆشخانەیێ کرنە ژ وان ژی ۲۳۰ ھاتینە نڤاندن.
ئاشکرا کر ژی، زارۆکێن ژ دایک بووی ٤۲ بوونە ژ وان ۲۲ کور و ۲۰ ژی کچ بوونە.
د داویێ دا دیار کر ، کو یەک حالەتێ پێڤەدانا دویپشکی و شەش حالەتێن کەفتنێ و یەک حالەتێ مرنێ ھەبوویە.
