سەرۆکا پەرلەمانێ کوردستانێ راگەهاند، هەرێما کوردستانێ ٢٧ ملیار دولاران قەردار نینە.
رێواز فایەق سەرۆکا پەرلەمانێ کوردستانێ د لاپەرەیێ خۆیێ فەیسبوکی دا بەلاڤکریە، هەیا داوی کارێن کابینەیا حەفتێ یا حکومەتا هەرێمێ، هەرێم چ پارەیەکێ قەردار نەبوویە، ژبەرکو یاسایا بودجەیێ گشتى یێ هەرێمێ بۆ سالا ٢٠١٣ چ کوژمەکێ پارەی ژ بۆ دانا قەران و چ بۆ دانا سودێ قەران نەدانایە.
راگەهاند ژى، لدیف یاسایا حەفت یا سالا ٢٠١٥ێ یاسایا راکێشانێ مایە برێکا قەرکرنێ ل هەرێمێ د چ رەوشەکێ دا نابیت هەمى ئەو قەرێن حکومەت وەردگریت ژ پێنج ملیار دولاران زێدەتر بیت، کەواتە هەر کوژمەکێ پارەی زێدەتری ڤی پارەى هاتبیتە قەرکرن، سەرپێچیکرنا یاسایێ یە و پێدڤیە بەرى هەر تشتەکێ سەرپێچیکاری ریبری یاسایێ بکەن.
رێواز فایەق دیار ژى کر، ل سالا ٢٠١٤ێ حکومەتا هەرێمێ چ پرۆژە یاسایەکا بوودجەیا گشتى نەهنارتیە پەرلەمانى، ژبەر هندێ هەر کوژمەکێ پارەی بۆ بیاڤەکێ هاتبیتە ئاراستەکرن بنەمایەکێ یاسایی یێ درۆست نینە.
سەرۆکا پەرلەمانى راگەهاند ژى، ئەگەر حکومەتا هەرێمێ د پێنج سالان دا، ژبلی هایداکرنا پەرلەمانى بێ جەدوەلێ قەران، د تاریێ دا مانا قەران و کوژمێ قەران و بهایێ سودێ قەران، و دەمێ دیارکری یێ دانێ، کوژمێ ٢٧ ملیار دولاران بتنێ بۆ بوودجەیێ بکاربرنێ و دیارکرن بۆ مووچەی قەر کربن، ل دیڤ پیڤەرێن کارێ دەولەتداری و جیبجیکرنا دەستهەلاتێن حکومەتا هەرێمێ، یەک دولار قەردار نینە ژبلی مووچەیێ پاشکەفتکریێ مووچەخوران و شایستێن دارایێن بەرلێندەران و سەرمایەداران .
