فیدراسیۆنا رێكخراوێن جڤاكێ مەدەنی دراگەهاندنەكێ دا دەربارێ هەلگرتنا پارێزبەندیێ ژ سەر پەرلەمانتار سۆران عومەر راگەهاند: دوێ روونشتنا پەرلەمانیدا دەستهەڵاتێن سەرۆكا پەرلەمانی هاتینە پێشێل كرن
د راگەهاندنا خۆدا فیدراسیۆنا ڕێكخراوێن جڤاكێ مەدەنی دبێژیت: دپەیرەوێ ناڤخۆیێ پەرلەمانیدا و لدووڤ بڕگەیێن ئێكێ و دووێ ژ مادێ(47 ) دانانا بەرنامێ كارێ روینشتنێن پەرلەمانی د دەستهەڵاتا دەستەیا سەر‌وكایەتیا پەرلەمانی دایە و پێدڤییە بەری (48 ) دەمژمێران بەرنامێ روینشتنێ بهێتە راگەهاندن و ئەڤ چەندە یا روون و ئاشكرایە
بجهئینانا یاسا و پەیرەوێ ناڤخۆ و بریارێن پەرلەمانی ژ ئەرك و دەستهەڵاتێن سەرۆكا پەرلەمانی نە لدووڤ بڕگەیێن دووێ و چوارێ ژ مادێ ( 18 ) .
فیدراسیۆنا رێكخراوێن جڤاكێ مەدەنی ل سەر بنەمایێ وان خالێن پەیرەوی و عورفێ پەرلەمانی داخواز دكەت پەرلەمانێ كوردستانێ لدووڤ پەیڕەوی و ب روینشتنەكا دی، بریارا ژمارە ( 4 ) یا تایبەت ب هەلگرتنا پارێزبەندیێ ل سەر سۆران عومەر هەڵوەشینیت ژ پێخەمەتا راستڤەكرنا وێ شاشیێ و دهەمان دەم دا ژ پێخەمەتا پەیداكرنا ژینگەهەكا ئازاد بۆ كارێ پەرلەمانی و باشتركرنا رەوشا سیاسی دناڤبەرا هێزێن سیاسی دا و سەرژنوی دەستپێكرنا روینشتنێن پەرلەمانی .
